Prashanth Reddy Comments on Botsa: హైదరాబాద్లో విద్యుత్ లేక జనరేటర్ వాడుతున్నామన్న ఏపీ మంత్రి బొత్స సత్యనారాయణ వ్యాఖ్యలపై రాష్ట్ర మంత్రి వేముల ప్రశాంత్ రెడ్డి స్పందించారు. ఆ మాటలను ఆయన విజ్ఞతకే వదిలేస్తున్నామని వ్యాఖ్యానించారు. బొత్స కుటుంబం హైదరాబాద్లోనే ఉంటుందని మంత్రి అన్నారు. ఆంధ్రప్రదేశ్ గురించి కేటీఆర్ ఉన్న విషయం చెప్పారని... బొత్స ఎందుకంత అక్కసుగా మాట్లాడాలని ప్రశ్నించారు.
ఏపీ అభివృద్ధికి తాము అడ్డుపడటం లేదన్న ప్రశాంత్ రెడ్డి.. విజయవాడ నుంచి స్థిరాస్తి వ్యాపారులు హైదరాబాద్ వస్తున్నారని చెప్పారు. ఆంధ్రప్రదేశ్ అభివృద్ధి చెందితే తమకు సంతోషమేనన్నారు. కానీ తెలంగాణలో అన్నీ సదుపాయాలు ఉన్నాయి కాబట్టే.. వ్యాపార రంగం వృద్ధి చెందుతోందని స్పష్టం చేశారు. తెరాస హయాంలో తెలంగాణలో రోడ్లు బాగున్నాయని ప్రజలకు తెలుసని వెల్లడించారు.
"క్రెడాయ్ ప్రాపర్టీ షోలో ఏపీ గురించి మంత్రి కేటీఆర్ నిజాలే మాట్లాడారు. స్వయంగా ఆ రాష్ట్ర ముఖ్యమంత్రి జగన్ సైతం.. గతంలో విద్యుత్ కోతలు తప్పవని చెప్పారు. ఆ విషయమే ఇప్పుడు కేటీఆర్ అన్నారు. మంత్రి బొత్స సత్యనారాయణ కుటుంబం హైదరాబాద్లోనే ఉంటోంది. కరెంట్ లేక జనరేటర్ వాడుతున్నామన్న మాటలను ఆయన విజ్ఞతకే వదిలేస్తున్నా. ఏపీ అభివృద్ధి చెందితే మాకూ సంతోషమే. కానీ విజయవాడలో స్థిరాస్తి రంగం వృద్ధి చెందడం లేదు. హైదరాబాద్లో అన్ని సదుపాయాలు ఉన్నాయి కాబట్టే.. వ్యాపారులు తెలంగాణ వైపు మొగ్గు చూపుతున్నారు." -ప్రశాంత్ రెడ్డి, రాష్ట్ర రోడ్లు, భవనాలు శాఖ మంత్రి
ఇవీ చదవండి: 'ఏపీలో కరెంట్, నీళ్లు, రోడ్లు ఏమీ లేవు.. అక్కడ ఉండలేక హైదరాబాద్ వస్తున్నారు..'
KTR Vs AP Ministers: 'నేను హైదరాబాద్ నుంచే వచ్చా.. అక్కడసలు కరెంటే లేదు'
