కరోనా పాజిటివ్గా తేలిన తన మామను ఆసుపత్రిలో కలిసి... నాలుగేళ్ల కుమారుడితో కలిసి... రహస్యంగా ఇంటికి చేరిన అల్లుడిపై పోలీసులు కేసు నమోదు చేశారు. ఆంధ్రప్రదేశ్లోని ప్రకాశం జిల్లా చీరాల మండలానికి చెందిన ఓ వ్యక్తి తన నాలుగేళ్ల కుమారుడిని ఇటీవల తెలంగాణలోని సూర్యాపేట జిల్లాకు చెందిన తన మామ గారింటికి పంపారు. మామకు గుండె నొప్పి రావటంతో బంధువులు ఆయనను గుంటూరు ప్రభుత్వాసుపత్రిలో చేర్చారు.
వైద్యులు అనుమానంతో కరోనా పరీక్షలు నిర్వహించగా పాజిటివ్గా తేలింది. ఆసుపత్రి వద్ద ఉన్న తన కుమారుడిని ఇంటికి తీసుకొచ్చిన అల్లుడు ఈ విషయాన్ని గోప్యంగా ఉంచాడు. సమాచారం అందుకున్న పోలీసులు ఆయనను అదుపులోకి తీసుకొని కేసు నమోదు చేశారు. అతనితో పాటు కుటుంబసభ్యులందరినీ ఒంగోలులోని క్వారంటైన్ కేంద్రానికి తరలించారు. ఇంటిచుట్టు పక్కల వారికి నోటిసులు జారీ చేసి... ఎవరూ ఇళ్లనుంచి బయటకు రావద్దని హెచ్చరించారు.
