సిరిసిల్లకు మంత్రి కేటీఆర్​ ఒక గెస్ట్​: పొన్నం ప్రభాకర్​

రాజన్న సిరిసిల్ల జిల్లాలో మానవ హక్కులు హరించిపోతున్నాయని కాంగ్రెస్​ నేత పొన్నం ప్రభాకర్​ ఆరోపించారు. మంత్రి కేటీఆర్​ ఎప్పుడు జిల్లాలో పర్యటించినా కాంగ్రెస్​ నేతలను అరెస్టు చేస్తున్నారని.. మంత్రికి ఇంత అభద్రతా భావం ఎందుకని ఆయన ప్రశ్నించారు.

రాజన్న సిరిసిల్ల జిల్లాకు మంత్రి కేటీఆర్​ ఒక గెస్ట్​ అని కాంగ్రెస్​ సీనియర్​ నేత పొన్నం ప్రభాకర్​ విమర్శించారు. అక్కడ మంత్రి ఏ ఒక్కరోజు కూడా గడపలేదని కేవలం ఒక అతిథిలా వచ్చిపోతుంటారని అన్నారు.

మంత్రి జిల్లాలో పర్యటిస్తున్నారంటే కాంగ్రెస్​ నేతలను మందుస్తుగా అరెస్టులు చేస్తున్నారని ఆరోపించారు. మంత్రి కేటీఆర్​ ఎందుకంత భయమని ఆయన ప్రశ్నించారు? ఒక వేళ తనకు తెలియకుండా అరెస్టులు జరిగితే వెంటనే అధికారులపై చర్యలు తీసుకోవాలని డిమాండ్​ చేశారు.

ఇదీ చూడండి: భారత్​, చైనా సరిహద్దు వివాదం- 10 కీలకాంశాలు