Remand report on Bairi Naresh Case: అయ్యప్పస్వామిపై బైరి నరేశ్ ఉద్దేశపూర్వకంగానే వివాదస్పద వ్యాఖ్యలు చేశాడని.. విచారణలో ఒప్పుకున్నట్లు కొడంగల్ పోలీసులు రిమాండ్ రిపోర్ట్లో పేర్కొన్నారు. రెండు రోజుల క్రితం బైరి నరేశ్తోపాటు హనుమంతును అరెస్ట్ చేసిన పోలీసులు.. కోర్టుకు సమర్పించిన రిమాండ్ రిపోర్టర్‌లో కీలక అంశాలను పొందుపరిచారు. ఈ కేసులో ఏ2 గా ఉన్న హనుమంతు కొండంగల్‌లో అంబేడ్కర్ విగ్రహావిష్కరణ కార్యక్రమాన్ని ఏర్పాటు చేశాడని తెలిపారు.
ఇందు కోసం బైరి నరేశ్ను అహ్వానించగా.. అతను హజరయ్యాడని పోలీసులు అన్నారు. ఈ క్రమంలోనే అయ్యప్పస్వామిపై.. బైరి నరేశ్ వివాదస్పద వ్యాఖ్యలు చేశాడని పేర్కొన్నారు. ఈ వీడియో సామాజిక మాధ్యామాల్లో వైరల్ కావడంతో ఉమాపతి అనే వ్యక్తి ఫిర్యాదు చేశారని తెలిపారు. దీంతో కేసు నమోదు చేసిన పోలీసులు ఇరువురిని అరెస్ట్ చేసి రిమాండ్కు తరలించామని అన్నారు. నరేశ్పై గతంలో వికారాబాద్ జిల్లా నవాబుపేటలో ఒక కేసు, హనుమకొండ జమ్మికుంటలో రెండు కేసులు ఉన్నట్లు వెల్లడించారు. ఈ మేరకు నిందితుడు నరేశ్ను కస్టడీకి తీసుకుని లోతుగా దర్యాప్తు చేస్తామని పోలీసులు రిమాండ్ రిపోర్ట్లో పేర్కొన్నారు.
ఇవీ చదవండి: అయ్యప్పస్వామిపై వివాదాస్పద వ్యాఖ్యలు చేసిన బైరి నరేశ్ అరెస్ట్.. 20 రోజుల రిమాండ్
సిర్పూర్కర్ నివేదికను త్వరగా అమలు చేయాలి: హైకోర్టు
ఆకాశ్ అంబానీ ఫేక్ ఐడీతో ఆమెకు వల.. రూ.25 లక్షలు కాజేసి, న్యూడ్ ఫొటోస్తో బెదిరించి..
