Police Recruitment: పోలీసు నియామక మండలి ఆధ్వర్యంలో 17291 పోస్టులను భర్తీ చేయనున్నారు. దీనికి సంబంధించి ఈ నెల 25న 4 నోటిఫికేషన్లు, 28న మరో రెండు నోటిఫికేషన్లను పోలీస్ నియామక మండలి ఛైర్మన్ శ్రీనివాస్ రావు జారీ చేశారు. పోలీసు, ప్రత్యేక భద్రతా దళం, అగ్నిమాపక శాఖ, జైళ్ల శాఖ, రవాణా, ఆబ్కారీ శాఖలలో పోస్టులను భర్తీ చేయనున్నారు. మొదట విడుదల చేసిన 4 నోటిఫికేషన్లలో 587 ఎస్సై ఉద్యోగాలు, 16027 కానిస్టేబుల్ ఉద్యోగాలను భర్తీ చేయనున్నట్లు పేర్కొన్నారు.
పోలీసు రవాణా విభాగంలో 63, ఆబ్కారీ శాఖలో 614 పోస్టులను భర్తీ చేయడానికి మరో నోటిఫికేషన్ జారీ చేశారు. ఈ పోస్టులన్నింటికీ వచ్చే నెల 2వ తేదీన ఉదయం 8 గంటల నుంచి 20వ తేదీ రాత్రి 10గంటలలోపు ఆన్లైన్లో దరఖాస్తు చేసుకోవాలని పోలీసు నియామక మండలి ఛైర్మన్ శ్రీనివాస్ రావు తెలిపారు. పోలీస్ నియామక మండలి వెబ్సైట్లో నిర్ధేశించిన ప్రకారమే అభ్యర్థులు దరఖాస్తు చేయాలని అధికారులు సూచించారు. www.tslprb.in వెబ్సైట్లో దరఖాస్తు చేసుకోవాలని తెలిపారు.
భర్తీ ఇలా..
- సివిల్ ఎస్సై పోస్టులు 541, సివిల్ కానిస్టేబుళ్లు 14,881 పోస్టులకు నోటిఫికేషన్
- ఎస్పీఎఫ్ ఎస్సై 12, కానిస్టేబుల్ 390 పోస్టులు
- అగ్నిమాపక శాఖలో స్టేషన్ ఫైర్ ఆఫీసర్ 26 పోస్టులు, పైర్‌మెన్ 610 పోస్టులు
- జైళ్లశాఖలో డిప్యూటీ వార్డర్ 8, వార్డర్లు 146 పోస్టులకు నోటిఫికేషన్
- రవాణా విభాగంలో 63 కానిస్టేబుల్ పోస్టులు
- ఆబ్కారీ శాఖలో 614 కానిస్టేబుల్ పోస్టులకు నోటిఫికేషన్
ఇవీ చదవండి:
