దంపతుల మధ్య జరిగిన గొడవలో పోలీసులు భర్తను చితకబాదారు. ఈ సంఘటన సికింద్రాబాద్‌లోని మోండా మార్కెట్ పీఎస్‌ పరిధిలో జరిగింది. స్థానిక రామ్‌గోపాల్‌ పేట్‌లో నివాసముండే తుకారం నాయక్‌ అనే వ్యక్తికి ఇద్దరు భార్యలు ఉన్నారు. బాబాయి అంత్యక్రియలకు వెళ్లి వచ్చాక భార్యతో గొడవ జరిగింది.
ఈ క్రమంలోనే పోలీసులు జోక్యం చేసుకుని అతన్ని పీఎస్‌కు తీసుకెళ్లారు. అనంతరం అక్కడే ఉన్న కానిస్టేబుల్‌ అతనిపై విచక్షణారహితంగా దాడి చేశారని బాధితుడు వాపోయారు. తన భార్య ఫిర్యాదు చేసిందని పోలీసులు చేయి చేసుకోవడం పట్ల ఆవేదన వ్యక్తం చేశారు. అనవసరంగా చేయి చేసుకున్నందుకు తనకు న్యాయం చేయాలని డిమాండ్ చేస్తున్నారు.
