ఈ నెల 22న హైదరాబాద్ కొండాపూర్లో జరిగిన పాస్టర్ సత్యనారాయణ రెడ్డి హత్య కేసును పోలీసులు ఛేదించారు. సత్యనారాయణ రెడ్డి హత్యకు హఫీజ్పేటలోని 300 గజాల స్థల వివాదమే కారణమని పోలీసులు వెల్లడించారు. తన స్థలాన్ని కబ్జా చేసేందుకు మహమ్మద్ జమిల్ ప్రయత్నిస్తున్నాడని పోలీసులకు సత్యనారాయణ రెడ్డి ఫిర్యాదు చేశాడు. ఈ విషయంలో కక్ష పెట్టుకున్న జమీల్... పాస్టర్ను హత్య చేసేందుకు పన్నాగం పన్నారు.
స్థలం విషయమై మాట్లాడుదామంటూ... హఫీజ్పేట్ కు పిలిపించుకొని కత్తులతో పొడిచి చంపినట్లు పోలీసులు తెలిపారు. హత్యకు పాల్పడ్డ ఐదుగురు నిందితులను అరెస్ట్ చేశారు. నిందితులు వాడిన కత్తులు, రెండు ద్విచక్ర వాహనాలు, మొబైల్ ఫోన్లను స్వాధీనం చేసుకొని రిమాండ్ కు తరలిస్తున్నట్లు డీసీపీ తెలిపారు.
భూమి కోసమే పాస్టర్ హత్య... కేసును చేధించిన పోలీసులు
ఇదీ చూడండి : 'తెలంగాణలో ఎందుకు పుట్టానురా అనిపిస్తోంది
