సినిమాలో మాదిరి.. లిఫ్టులో అరుపులు..

సినిమాలో మాదిరిగా ఓ అపార్ట్​మెంట్​లో లిఫ్టు అనుకోకుండా ఆగిపోయింది. అందులో ఉన్న వ్యక్తులు ఒక్కసారిగా కేకలు వేశారు. భయాందోళనకు గురైన స్థానికులు పోలీసులకు సమాచారం అందించారు.

హైదరాబాద్‌ మియాపూర్​లోని జేపీ నగర్‌లోని ఎలైజ్‌ ఎలైట్‌ అపార్టుమెంట్‌లో లిఫ్టు సాంకేతిక కారణాలతో అకస్మాత్తుగా ఆగిపోయింది. అందులో ఉన్న వ్యక్తులు ఒక్కసారిగా అరుపులు పెట్టారు. రాత్రి లిఫ్టు నిలిచిపోయింది. అందులో ప్రయాణిస్తున్న ముగ్గురు వ్యక్తులు ఒక్కసారిగా గట్టిగా కేకలు వేశారు. అరుపులు విన్న అపార్టుమెంట్​లోని నివాసితులు బయటకు వచ్చారు. లిఫ్టు దాదాపు ముప్పై నిమిషాలు ఆగిపోయింది. స్థానికులు పోలీసులకు సమాచారం తెలియజేశారు. మరమత్తు చేశాక అందులోని వ్యక్తులు బయటకొచ్చారు.

ఇదీ చూడండి : బడికి పోవాలంటే 'వేలాడే ఫీట్'​ చేయాల్సిందే