Car Accident In Hyderabad: హైదరాబాద్ నగరంలో కార్లు సృష్టించే బీభత్సాలు విపరీతంగా పెరిగిపోయాయి. అందరూ కార్లను వాడడంతో ఇప్పుడు వాటి వాడకం కూడా ఎక్కువగా ఉంది. అయితే వీటితో ప్రమాదాలు కూడా అదే రీతిలో జరుగుతున్నాయి. నిన్న రంగారెడ్డి జిల్లాలో కారు 15 బైకులను, 2 కార్లను ఢీకొట్టి ధ్వంసం సృష్టించింది. అయితే అలాంటి ఘటనే చోటుచేసుకుంది. కారుతో ఒక వ్యక్తిని గుద్దితే అతను పల్టీలు కొట్టుకుంటూ.. 20 మీటర్ల దూరంలో పడ్డాడు. ఈ ఘటన హైదరాబాద్‌లోని నాగోల్‌ ఉన్నత పాఠశాల సమీపంలో జరిగింది.
స్థానికులు తెలిపిన వివరాల ప్రకారం.. హైదరాబాద్ నాగోల్‌ ఉన్నత పాఠశాల వద్ద వేగంగా వచ్చిన కారు.. నడుచుకుంటూ వెళ్తున్న ఇద్దరిని ఢీకొట్టింది. కుషాయిగూడ నాగారానికి చెందిన వ్యక్తి ఓ రియల్‌ ఎస్టేట్‌ కంపెనీలో పనిచేస్తున్నాడు. అతను రోడ్డు పక్క నుంచి నడుచుకుంటూ సెల్‌ఫోన్‌ వైపు చూసుకుంటూ.. నాగోల్‌ వైపు వెళుతున్నాడు. ఇంతలోనే గుర్తు తెలియని కారు వేగంగా వచ్చి బలంగా అతనిని ఢీకొట్టింది.
గాల్లో ఎగిరి 20 మీటర్లు దూరం: గాల్లోకి ఎగిరి 20 మీటర్లు దూరంగా పడిపోయాడు. చుట్టుపక్కల ఉన్నవారు చూస్తుండగానే.. కళ్లముందే అతను పల్టీలు కొడుతూ.. కింద పడ్డాడు. అటుగా వస్తున్న వాహనదారులు.. ప్రమాదం జరిగిన ప్రాంతంలో ఉన్న స్థానికులు అతనిని గమనించి.. వెంటనే 108 అంబులెన్స్‌కు ఫోన్‌ చేశారు. అంబులెన్స్‌ రావడంతో అతనిని గాంధీ ఆసుపత్రికి తరలించారు. ప్రస్తుతం గాయపడిన వ్యక్తి ఆరోగ్య పరిస్థితి నిలకడగా ఉందని ఆసుపత్రి వర్గాలు తెలుపుతున్నాయి.
అయితే అదే కారు అతనితో పాటు ఇద్దరు మహిళా కూడా ఉన్నట్లు సమాచారం. కారులో ఉన్న మహిళ సైతం గాయపడిన వ్యక్తితో వెళ్లి..చికిత్స చేయించుకున్నారు. అయితే ఈ వ్యక్తిని ఢీకొట్టడానికి ముందే.. మరో మహిళను ఢీకొట్టాడని తెలిపారు. ఈ ప్రమాదంపై ఎటువంటి సమాచారంగానీ, ఫిర్యాదు గానీ తమకు అందలేదని పోలీసులు తెలిపారు. గురువారం సాయంత్రం జరిగిన ఈ ప్రమాదం దృశ్యాలు సమీపంలోని సీసీ కెమెరాలో రికార్డు అయ్యాయి.
ఆర్టీసీ బస్సును ఢీకొన్న లారీ.. వరంగల్‌ జిల్లా వర్ధన్నపేట పట్టణ కేంద్రంలో ఆర్టీసీ బస్సును లారీ వెనుక నుంచి బలంగా ఢీకొట్టింది. ఈ ప్రమాద సమయంలో బస్సులో ఎవరూ లేకపోవడంతో పెను ప్రమాదమే తప్పింది. లారీ డ్రైవర్‌, క్లీనర్లకు స్వల్పంగా గాయాలయ్యాయి. గుంటూరు నుంచి నాగ్‌పూర్‌కు చేపల లోడుతో వెళ్తున్న లారీ వర్ధన్నపేట వద్ద బస్టాండ్‌లోకి వెళ్తున్న బస్సును వెనుక నుంచి బలంగా ఢీకొట్టింది. ఈ ప్రమాదంపై సమాచారం అందుకున్న పోలీసులు.. ప్రమాదానికి లారీ డ్రైవర్‌ నిద్ర మత్తులో ఉండడమే కారణమని ప్రాథమికంగా నిర్ధారించారు.
ఇవీ చదవండి:
