రాష్ట్ర పర్యటక శాఖ సేవలు టీఎస్-ఐపాస్తో అనుసంధానం చేశారు. ఈ నేపథ్యంలో సింగిల్ విండో ద్వారా హోటళ్లు, ట్రావెల్ ఏజెన్సీలకు అనుమతులు లభించనున్నాయి. ఈ మేరకు టీఎస్-ఐపాస్‌లో పర్యటకశాఖ సేవలకు మంత్రి శ్రీనివాస్‌గౌడ్‌ శ్రీకారం చుట్టారు. దీని ద్వారా హోటళ్లు, ట్రావెల్ ఏజెన్సీ ఒక దరఖాస్తు ద్వారా... కేవలం 30 రోజుల్లోనే అనుమతులు పొందవచ్చు.
టీఎస్ ఐపాస్ విధానానికి తెలంగాణ పర్యటక శాఖ సేవలను అనుసంధానం చేయడం ఓ చరిత్రాత్మక విజయమని పేర్కొన్నారు. మలేషియా, సింగపూర్‌ తదితర దేశాలు పర్యాటక ఆదాయంపైనే అభివృద్ధి సాధిస్తున్నాయని గుర్తుచేశారు. ప్రభుత్వం తీసుకున్న ఈ నిర్ణయంతో భవిష్యత్తులో తెలంగాణ టూరిజం మరింత విస్తరిస్తుందని పేర్కొన్నారు. రామప్ప లాంటి ప్రముఖ ఆలయాలు ప్రపంచ పర్యాటక పటంలోకి త్వరలోనే చేరుతాయని వివరించారు.
ఇదీ చూడండి : ఓఆర్‌ఆర్‌పై బస్సు దగ్ధం.. తప్పిన ప్రాణనష్టం
