వ్యాయామ విద్య ప్రవేశ పరీక్ష పీఈ సెట్ ఫలితాలను ఉన్నత విద్యా మండలి ఛైర్మన్ పాపిరెడ్డి విడుదల చేశారు. రాష్ట్రవ్యాప్తంగా 2,115 మంది బీపెడ్... 1,819 మంది డీపెడ్కు హాజరయ్యారు. బీపెడ్లో 96.36 శాతం, డీపెడ్లో 98.95 శాతం మంది ఉత్తీర్ణులయ్యారు. ప్రవేశ పరీక్షల్లో గిరిజన అమ్మాయిలు సత్తా చాటారు. డీపెడ్లో మొదటి పది ర్యాంకుల్లో ఐదింటిని ఎస్టీ బాలికలు దక్కించుకున్నారు. భద్రాద్రి కొత్తగూడెంకు చెందిన పాయం చంద్రకళ డీపెడ్లో మొదటి ర్యాంకు... నల్గొండ జిల్లా దేవరకొండకు చెందిన పట్లావత్ మౌనిక రెండో ర్యాంకును కైవసం చేసుకున్నారు. జూన్ నెలాఖరులో కౌన్సిలింగ్ షెడ్యూల్ను ప్రకటించనున్నట్లు పాపిరెడ్డి తెలిపారు. మొత్తంగా డీపెడ్లో 350, బీపెడ్లో 2 వేల సీట్లు అందుబాటులో ఉన్నాయి.
పీఈసెట్ ఫలితాలు విడుదల చేసిన ఉన్నత విద్యామండలి ఛైర్మన్ పాపిరెడ్డి
ఇదీ చూడండి : మీ బాధ్యత తీరింది..మా పని ప్రారంభించాలి: హరీశ్
