Passengers Faced Water Problem in Train: రైలు ప్రయాణం అంటే గంటల తరబడి రైలులోనే కూర్చోని ప్రయాణించాల్సి ఉంటుంది. సుదూర ప్రాంతాలకు వెళ్లడానికి ప్రయాణికులు రైలు మార్గాన్ని ఎంచుకుంటారు. రోడ్డు మార్గం కన్నా.. రైలు మార్గం సౌకర్యవంతంగా ఉంటుందని రైళ్లలో ప్రయాణించటానికి ప్రజలు మొగ్గుచూపుతారు. అయితే ఆంధ్రప్రదేశ్లోని కాకినాడ నుంచి బయల్దేరిన కాకినాడ - విశాఖపట్నం రైలులో మాత్రం ప్రయాణికులు నానా అవస్థలు పడ్డారు. ప్రయాణ సమయంలో ట్రైన్లో సరైన సౌకర్యాలు లేకపోవటంతో నరకయాతను అనుభవించారు.
కాకినాడ - విశాఖపట్నం ఎక్స్ప్రెస్ శనివారం ఉదయం కాకినాడ నుంచి బయల్దేరింది. అయితే రైలు సరైన టైమ్కు అటో ఇటో నడుస్తున్న పట్టించుకొని ప్రయాణికులు.. రైలులో నీళ్లు రాకపోవటంతో నానా అవస్థలు పడ్డారు. చేతులు శుభ్రం చేసుకోవటానికి వాష్ బేసిన్లో నీళ్లు రాలేదని.. అలాగే మరుగుదొడ్లలో సైతం నీరు రావడం లేదని.. తద్వారా తీవ్ర ఇబ్బందులను ఎదుర్కొన్నామని ప్రయాణికులు వాపోయారు. రైలు మొత్తం ఇదే పరిస్థితి ఉందని.. ఏ బోగిలో నీళ్లు రావటం లేదని తెలిపారు. రోజు వెళ్లే ప్రయాణికులు మాత్రం అప్పుడప్పుడు ఇలాంటి పరిస్థితి వస్తుందని అంటున్నారు. దుర్వాసన భరించలేని విధంగా ఉందని పేర్కొన్నారు. అధికారులు ఈ విధంగా నిర్లక్ష్యం వహించటం తగదని వారు మండిపడ్డారు.
ఇవీ చదవండి : అసెంబ్లీలో అదానీ ఇష్యూ.. బీఆర్ఎస్, బీజేపీ సభ్యుల మధ్య వాగ్వాదం
కళ్లలోనూ క్యాన్సర్‌ ముప్పు ఉందని ఎంత మందికి తెలుసు?
విద్యుత్ సైకిల్ రూపొందించిన పదో తరగతి విద్యార్థి.. ఒక్కసారి ఛార్జ్ చేస్తే 90 కి.మీ ప్రయాణం
