ప్రగతి భవన్​ ముట్టడికి పారామెడికల్​ అభ్యర్థుల యత్నం

గత మూడేళ్లుగా పారామెడికల్​ పోస్టుల భర్తీలో జరుగుతున్న జాప్యానికి నిరసనగా రాష్ట్ర నిరుద్యోగ పారామెడికల్​ అభ్యర్థులు ఛలో ప్రగతి భవన్​ పేరిట ఆందోళన నిర్వహించారు.  ప్రగతి భవన్​ ముట్టడికి యత్నించిన వీరిని అడ్డుకున్న పోలీసులు పంజాగుట్ట పోలీస్​ స్టేషన్​కు తరలించారు.

కోర్టులో ఉన్న పారామెడికల్​ నోటిఫికేషన్​లను వీలైనంత త్వరగా పరిష్కరించి ఖాళీలను భర్తీ చేయాలని కోరుతూ రాష్ట్ర నిరుద్యోగ పారామెడికల్​ అభ్యర్థులు ప్రగతి భవన్ ముట్టడికి యత్నించారు. గవర్నమెంట్​ ఉద్యోగాలలో రాజ్యాంగ విరుద్ధమైన వెయిటేజ్​ను రద్దు చేయాలని డిమాండ్ చేశారు. రెగ్యులర్​ పోస్టుల భర్తీకి చొరవ చూపకుండా 3వేల కాంట్రాక్ట్ పారామెడికల్​ పోస్టులను భర్తీచేయాలంటూ డీఎమ్​ఈ అధికారులు ప్రభుత్వాన్ని కోరడాన్ని నిరసిస్తూ ఆందోళన చేశారు. నిరుద్యోగుల ఆందోళనను అడ్డుకున్న పోలీసులు అదుపులోకి తీసుకుని పంజాగుట్ట పోలీస్​ స్టేషన్​కు తరలించారు. ​

• ఇదీ చూడండి : పలకాబలపం పట్టేస్తా... ఆడుతుపాడుతు తిరిగేస్తా...