ఎంసెట్, జేఈఈ, నీట్కు సిద్ధమవుతున్న ప్రభుత్వ జూనియర్ కళాశాలల విద్యార్థులపై లాక్డౌన్ ప్రభావం పడకుండా ఇంటర్మీడియట్ బోర్డు ప్రయత్నాలు చేపట్టింది. పోటీ పరీక్షలకు సిద్ధమవుతున్న ప్రభుత్వ కాలేజీల విద్యార్థులకు ఉచితంగా ఆన్లైన్ శిక్షణ ఇవ్వనున్నట్లు ఇంటర్ బోర్డు కార్యదర్శి సయ్యద్ ఒమర్ జలీల్ వెల్లడించారు. ప్రతీ ఏడాది వేసవిలో ఎంసెట్, జేఈఈ, నీట్ కోసం స్వల్ప కాలిక శిక్షణ ఇస్తున్నారు. అయితే కరోనా ప్రభావంతో ఈ ఏడాది కోచింగ్ నిర్వహించలేక పోవడం వల్ల ప్రత్యామ్నాయంగా ఆన్లైన్ శిక్షణ ఇచ్చేందుకు ఏర్పాట్లు చేసినట్లు సయ్యద్ ఒమర్ జలీల్ తెలిపారు.
వీడియో పాఠాల లింక్లను జిల్లా ఇంటర్ అధికారులు, ప్రిన్సిపల్స్, లెక్చరర్లకు పంపించినట్లు తెలిపారు. వాట్సప్ గ్రూపులు ఏర్పాటు చేసి వీడియో పాఠాల లింకులను విద్యార్థులకు పంపించాలని ప్రిన్సిపల్స్ను ఇంటర్ బోర్డు కార్యదర్శి ఆదేశించారు. మానసిక నిపుణులు కూడా అందుబాటులో ఉంటారు.
ఈ నెల 20 నుంచి ఆన్లైన్లో ప్రతీ శిక్షణతో పాటు రోజు, వారం పరీక్షలు కూడా నిర్వహించనున్నట్లు ఆయన తెలిపారు.
ఇదీ చూడండి: వేలంలో పాల్గొంటే అంతు చూస్తా: బీబీ పాటిల్ మనువని బెదిరింపులు
