వడ్డీ కాసుల వాడికి రూ.కోటి విరాళం

డబ్బుకు కొదవ లేని తిరుమలేశునికి కాసుల వర్షం కురుస్తోంది. వడ్డీ కాసుల వాడికి రూ. కోటి విరాళం ఇచ్చాడో భక్తుడు.

ఆంధ్రప్రదేశ్ లోని తిరుమల తిరుపతి దేవస్థానం నిర్వహిస్తోన్న సర్వ శ్రేయా ట్రస్టు ఎస్వీ బాల మందిరానికి శనివారం రూ.కోటి విరాళంగా అందింది. హైదరాబాద్‌కు చెందిన మంతెన భూపతిరాజు, శారద దంపతులు శ్రీవారి ఆలయంలోని రంగ నాయకుల మండపంలో ఈ విరాళాన్ని డీడీ రూపంలో తిరుమల తిరుపతి దేవస్థానం ఛైర్మన్‌ వై.వి.సుబ్బారెడ్డికి అందజేశారు. ఈ కార్యక్రమంలో తితిదే ప్రత్యేక అధికారి ధర్మారెడ్డి పాల్గొన్నారు. భక్తి, శ్రద్ధలతో వెంకన్నస్వామిని కోరుకున్న కోర్కెలు తీరుతాయని ప్రజల విశ్వాసం... అందుకే శ్రీవారికి విరాళం ఇవ్వడంలో ఎవరూ వెనుకాడరు.

ఇదీ చూడండి:ఈశాన్యాన జోరు వర్షం- బ్రహ్మపుత్ర ఉగ్రరూపం