Balagam Mogulaiya: మొగిలయ్యకు 1.5లక్షల ఆర్థిక సాయం చేసిన ఎన్​ఆర్​ఐ

NRI financial help to Pastham Mogiliah: 'తన పాటతో బలగం సృష్టించాడు.. ఇప్పుడు సాయం కోసం ఎదురుచూస్తున్నాడు' అంటూ ఈనెల 1వ తేదీన ఈటీవీ భారత్​లో ప్రసారం చేసిన కథనానికి మంచి స్పందన వచ్చింది. కిడ్ని వ్యాధితో బాధపడుతున్న బలగం ఫేమ్​ పస్తం మొగిలయ్యకు ప్రవాస భారతీయుడు సంజయ్, అతని స్నేహితులు ఆర్థిక సాయం అందించారు. ఈ మేరకు సంజయ్​ తల్లి నిమ్స్​ ఆసుపత్రిలో చికిత్స పొందుతున్న మొగిలయ్యను కలిసి 1.5 లక్షలు అందించారు.

NRI financial help to Pastham Mogiliah: తోడుగా మా తోడుండీ.. నీడగా మాతో నడిచి.. నువ్వెక్కడెళ్లినావు కొమురయ్యా.. నీ జ్ఞాపకాలు మరవమయ్యో కొమురయ్యా.. అంటూ ప్రేక్షకుల హృదయాల్లో దుఖ:రసం పొంగించి.. కుటుంబ సంబంధాల్లో అడుగంటిపోతున్న ప్రేమానురాగాల్ని తన గానంతో సున్నితంగా తట్టిలేపిన పస్తం మొగిలయ్య గత కొంత కాలంగా కిడ్ని వ్యాధితో బాధపడుతున్న విషయం తెలిసిందే. దీంతో ఏప్రిల్​ 1వ తేదీన ఈటీవీ భారత్​ ఆయనపై ప్రతేక స్టోరీ చేసి ఆర్థిక సాయం చేయమని కోరింది. దీనిపై స్పందించిన అమెరికాలో ఉంటున్న ఎన్​ఆర్​ఐ బృందం ఆయనకు ఆర్థిక సాయం చేశారు.

అనారోగ్యంతో బాధపడుతున్న బలగం మొగులయ్యకు ప్రవాస భారతీయుడు సంజయ్, అతని స్నేహితులు ఆర్థిక సాయం అందించారు. కిడ్ని వ్యాధితో ప్రస్తుతం హైదరాబాద్​లోని నిమ్స్ ఆసుపత్రిలో చికిత్స పొందుతున్న మొగులయ్యకు సాయం చేయాలని సంజీవ్​ నిర్ణయించుకున్నారు. ఇందుకు తన స్నేహితులను కూడా ఒప్పించారు. అందరూ కలిసి 1.05 లక్షల రూపాయలను సేకరించి కూకట్​పల్లిలో నివాసం ఉంటున్న సంజీవ్ తల్లి ఉమాదేవి బ్యాంక్​ ఖాతాలో జమ చేశారు.

నిమ్స్​లో చికిత్స పొందుతున్న మొగిలయ్య, కుమరమ్మ దంపతులను కలిసిన ఉమాదేవి.. ఆ నగదును అందించారు. మొగులయ్య ప్రస్తుత ఆరోగ్య పరిస్థితిని వైద్యులను అడిగి తెలుసుకున్నారు. మొగులయ్య దంపతులకు ధైర్యం చెప్పి.. ఆయన త్వరగా కోరుకోవాలని ఆకాంక్షించారు. సంజీవ్, అతని స్నేహితుల ఆర్థిక సాయం పట్ల మొగులయ్య దంపతులు కృతజ్ఞతలు తెలిపారు.

పరామర్శించిన ఎర్రబెల్లి దయాకర్​: నిమ్స్ ఆస్పత్రిలో చికిత్స పొందుతున్న బలగం మొగిలయ్యను రాష్ట్ర పంచాయతీరాజ్‌శాఖ మంత్రి ఎర్రబెల్లి దయాకర్‌రావు పరామర్శించారు. కుటుంబ సభ్యులను కలిసి భరోసా కల్పించారు. మొగిలయ్య వైద్య ఖర్చులను ప్రభుత్వమే భరిస్తుందని.. మంచి వైద్యం అందిస్తున్నామని తెలిపారు. వైద్యులతో మాట్లాడి మొగిలయ్య ఆరోగ్య పరిస్థితిని అడిగి తెలుసుకున్నారు. మెరుగైన వైద్యం అందించాలని వైద్యులను మంత్రి ఆదేశించారు.

మొగిలయ్య నేపథ్యం: వరంగల్ జిల్లా దుగ్గొండికి చెందిన బుడగజంగాల కళాకారులు పస్తం మొగిలయ్య, కొమురమ్మ దంపతులు. ఊరూరు తిరుగుతూ కథలు చెప్పుకుంటూ పొట్ట పోసుకుంటున్న ఈ దంపతులు బలగం సినిమాలో క్లైమెక్స్​ సాంగ్​లో నటించి.. పాడారు. షూటింగ్​ సమయంలో కండ్లు తిరిగి పడిపోవడంతో మొగిలయ్య చెయ్యి విరిగింది. ఆ తరువాత ఆసుపత్రికి తీసుకెళ్లి పరీక్షలు చేయిస్తే.. రెండు కిడ్నీలు పాడైనట్టు వైద్యులు తెలిపారు. డయాలసిస్ చేయించడం తప్పనిసరన్న డాక్టర్ల సూచనతో వారానికి 3రోజులు ఆసుపత్రికి తీసుకెళ్లి డయాలసిస్​ చేసేవారు. ఆ క్రమంలో రక్తం ఎక్కించేందుకు 11 చోట్ల రంధ్రాలు చేసి ఛాతీ బాగం నుంచి రక్తం ఎక్కించేవారు. వైద్యులు సూచన మేరకు ప్రస్తుతం హైదరాబాద్​ నిమ్స్​లో మొగిలయ్య చికిత్స పొందుతున్నారు.

ఇవీ చదవండి: