విదేశీ యువతుల అక్రమ రవాణా, వ్యభిచారం కేసులో హైదరాబాద్కు చెందిన దంపతులను ఎన్ఐఏ అరెస్టు చేసింది. బంగ్లాదేశ్ యువతులను హైదరాబాద్ సహా దేశంలోని పలు నగరాలకు తరలించి... వ్యభిచారం నిర్వహిస్తున్న జస్టిన్ అలియాస్ అబ్దుల్ సలాం, అతని భార్య శివులి ఖటూన్ ఈ వ్యభిచారం కూపంలోకి దించిన్నట్లు ఎన్ఐఏ గుర్తించింది. వారి నివాసంలో సోదాలు జరిపిన ఎన్ఐఏ ఇద్దరు బంగ్లాదేశ్ యువతులకు విముక్తి కల్గించింది.
గతంలో హైదరాబాద్ పోలీసులు ఛత్రినాకలో వ్యభిచారం గృహం నుంచి బంగ్లాదేశ్ యువతులకు విముక్తి కల్పించారు. విదేశీ మానవ అక్రమ రవాణా కావడం వల్ల కేసు ఎన్ఐఏకు బదిలీ అయింది. ఇదే వ్యవహారంలో కీలక సూత్రధారులుగా ఉన్న సలాం దంపతుల కోసం జాతీయ దర్యాప్తు సంస్థ మూడు నెలలుగా గాలిస్తోంది. శివులి ఖటూన్ బంగ్లాదేశ్ జాతీయురాలు కావడం వల్ల ఆ దేశానికి చెందిన యువతులను వ్యభిచార కూపంలోకి దించుతున్నట్లు ఎన్ఐఏ గుర్తించింది. ఈ మేరకు ఇద్దర్ని అరెస్టు చేశారు.
ఇదీ చూడండి : 'అభివృద్ధికి వ్యతిరేకం కాదు.. అవినీతికి వ్యతిరేకం
