వనస్థలిపురం కనకదుర్గ ఆలయంలో వైభవోపేతంగా వార్షికోత్సవాలు

వనస్థలిపురంలోని కనకదుర్గ ఆలయంలో వార్షికోత్సవాలు ఘనంగా నిర్వహిస్తున్నారు. 12వ వార్షికోత్సవంలో భాగంగా నవరాత్రి వేడుకలు వైభవోపేతంగా జరుగుతున్నాయి. కరోనా నిబంధనలకు లోబడే ఉత్సవాలు జరుపుతున్నామని ఆలయ నిర్వహకులు తెలిపారు.

హైదరాబాద్​లో శరన్నవరాత్రి వేడుకలు ఘనంగా జరుగుతున్నాయి. వనస్థలిపురం ప్రశాంత్ నగర్​లోని శ్రీ కనకదుర్గ దేవాలయంలో12వ వార్షికోత్సవంలో భాగంగా నవరాత్రి ఉత్సవాలు వైభవోపేతంగా నిర్వహిస్తున్నారు. ఈ నెల 17న ప్రారంభమైన ఈ వార్షికోత్సవాలు 25 వరకు జరుగుతాయని ఆలయ కమిటీ ఛైర్మన్ భుజంగారెడ్డి తెలిపారు.

కరోనా నిబంధనలకు అనుగుణంగా అన్ని ఏర్పాట్లను చేశామని పేర్కొన్నారు. కొవిడ్, భారీ వర్షాల నుంచి ప్రజలను కాపాడాలని అమ్మవారిని కోరుకున్నట్లు వెల్లడించారు.

ఇదీ చదవండి: 'రాష్ట్రవ్యాప్తంగా వైభవంగా దేవి శరన్నవరాత్రి ఉత్సవాలు'