నాచారంలో పట్టుబడ్డ పది కిలోల గంజాయి

హైదరాబాద్​ నాచారం వద్ద ఓ ఆటోలో 10కిలోల గంజాయిని తరలిస్తోన్న ఇద్దరు యువకులను పోలీసులు అదుపులోకి తీసుకున్నారు. గణేశ్ ఉత్సవాల సందర్భంగా పోలీసులు తనిఖీలు చేపట్టారు.

గణేశ్​ ఉత్సవాల సందర్భంగా హైదరాబాద్ నాచారం పోలీస్ స్టేషన్ పరిధిలోని హెచ్ఎమ్​టీ నగర్ కమాన్ వద్ద పోలీసులు తనిఖీలు నిర్వహించగా గంజాయి తరలిస్తోన్న ఇద్దరు వ్యక్తులు పట్టుబడ్డారు. వారి నుంచి 10 కిలోల గంజాయి, ఆటో, రెండు చరవాణులు స్వాధీనం చేసుకున్నారు. నిందితులు సుమన్, సయ్యద్​ సుభాన్​గా గుర్తించారు. కేసు నమోదు చేసి అరెస్ట్ చేశారు. వైజాగ్​కు చెందిన కనకరాజు అక్కడి నుంచి గంజాయిని తీసుకువచ్చి వీరికి హబ్సిగూడ వద్ద ఇవ్వగా.. వాటిని చిన్న పొట్లాలుగా మలిచి అమ్ముకునేందుకు తరలిస్తున్నారని సీఐ మహేశ్ గౌడ్ తెలిపారు. కనకరాజు పరారీలో ఉన్నట్లు సీఐ వెల్లడించారు.

ఇదీచూడండి: నమ్మకంగా పనిచేస్తునట్టు నటించి రూ.80లక్షలు కాజేశాడు