ముషీరాబాద్ ఎమ్మెల్యే ముఠా గోపాల్ నియోజకవర్గ వ్యాప్తంగా పలు ప్రాంతాల్లో హరితహారంలో పాల్గొన్నారు. పలు డివిజన్లలోని కార్పొరేటర్లతో కలిసి ఆయన మొక్కలు నాటారు. హరితహారంలో భాగంగా నాటిన మొక్కలు కాపాడాలంటే విద్యార్థులే అని, శ్రద్ధగా చదువుకునే విద్యార్థులకు మొక్కల బాధ్యత అప్పజెప్పితే అంతే శ్రద్ధగా మొక్కలను పెంచి పెద్ద చేసి.. వృక్షాలుగా చేస్తారని ఎమ్మెల్యే అన్నారు. విద్యాపరంగా వస్తున్న మార్పులను విద్యార్థులు గమనించాలని సూచించారు. సాంకేతిక విద్య దిశగా విద్యార్థులు ఆలోచించాలని అన్నారు. ఈ కార్యక్రమంలో కార్పొరేటర్ వీ.శ్రీనివాస్ రెడ్డి, లక్ష్మీ గణపతి దేవస్థానం ఛైర్మన్ ముచ్చకుర్తి ప్రభాకర్, జీహెచ్ఎంసీ సిబ్బంది, తదితరులు పాల్గొన్నారు.
ఇవీచూడండి: భారత్ బయోటెక్ ల్యాబ్ను సందర్శించిన మంత్రి కేటీఆర్
