పార్లమెంట్ ఫలితాలు తెరాసకు గుణపాఠం: వివేక్

సారు.. కారు.. పదహారు.. దిల్లీలో సర్కారు అనే నినాదంతో లోక్​సభ బరిలోకి దిగిన తెరాసకు ప్రజలు షాక్​ ఇచ్చారన్నారు పెద్దపల్లి మాజీ ఎంపీ వివేక్. ఉద్యమకారులు, తెలంగాణవాదులను పక్కనబెట్టి అభ్యర్థుల ఎంపికలో ఏకపక్షంగా వ్యవహారించినందునే గులాబీ పార్టీ నాయకత్వానికి ప్రజలు గుణపాఠం చెప్పారని స్పష్టం చేశారు.

కేసీఆర్ నియంతృత్వ పోకడలకు గుణపాఠంగా పార్లమెంట్ ఎన్నికల ఫలితాలు ఉన్నాయని మాజీ ఎంపీ వివేక్ వెంకటస్వామి అభిప్రాయపడ్డారు. ఈ ఫలితాలు కేసీఆర్, కేటీఆర్ నాయకత్వానికి గట్టి దెబ్బ వంటిదన్నారు. పార్లమెంట్ సీట్లన్నీ తామే గెలుస్తామని చెప్పుకున్న గులాబీ నాయకులకు సగం సీట్లకే పరిమితమయ్యారన్నారు. నియంతృత్వ, కుటుంబ పాలన పోకడలకు బ్రేక్ పడిందని ఎద్దేవా చేశారు. తెలంగాణ ప్రజలకు ఒక రకంగా ఈ ఫలితాలు మేలు చేశాయనే భావిస్తున్నట్లు వివేక్ వివరించారు.

ఇవీ చూడండి: 'ఓడిన వారిని దెప్పిపొడవడం సరికాదు'