'ఎంఎంటీఎస్​ను యాదగిరిగుట్ట వరకు పొడిగించాలి'

ప్రయాణికుల సౌకర్యార్థం భువనగిరి పార్లమెంట్ పరిధిలోని రైల్వే స్టేషన్ల వద్ద రైళ్లను నిలపాలని ఎంపీ కోమటిరెడ్డి వెంకట్​రెడ్డి రైల్వే జీఎం గజానన్​ మాల్యాను కోరారు. ఎంఎంటీఎస్​ను యాదగిరిగుట్ట వరకు పొడిగించాలని విజ్ఞప్తి చేశారు.

తెలంగాణ రాష్ట్రంలో నిధుల కొరత ఉన్నందున రైల్వే అభివృద్ధి పనులన్నీ కేంద్ర నిధులతోనే చేపట్టాలని రైల్వే జీఎం గజానన్​ మాల్యాను కోరినట్లు ఎంపీ కోమటిరెడ్డి వెంకట్​రెడ్డి తెలిపారు.

పెండింగ్​ ప్రాజెక్టులు, రైల్వే లైన్ల విస్తరణకు సంబంధించి రాజ్యసభ సభ్యుడు లింగయ్య యాదవ్​తో కలిసి హైదరాబాద్​ రైల్​ నిలయంలో జీఎంతో సమావేశమయ్యారు.

తెలంగాణకు రావాల్సిన కొత్త రైల్వే లైన్లు, ఇతర ప్రాజెక్టుల గురించి జీఎం దృష్టికి తీసుకు వెళ్లామని ఎంపీ లింగయ్య యాదవ్​ తెలిపారు. తమ సమస్యలపై జీఎం సానుకూలంగా స్పందించారని వెల్లడించారు.

పెండిగ్​ ప్రాజెక్టులు... రైల్వే లైన్ల విస్తరణ

1. చిట్యాల నుంచి జగ్గయ్య పెట్ కొత్త లైన్
2. బీబీనగర్ - నడికుడి వరకు డబుల్ లైన్
3. దామరచర్ల రైల్వే స్టేషన్ సమీపంలో అల్ట్రా పవర్ ప్రాజెక్టు...రెండేళ్ల లో పూర్తి చేయాలి
4. డోర్నకల్ ...గద్వాల్ మీదుగా సూర్యాపేట...నల్గొండ..నాగర్ కర్నూల్ కొత్త లైన్లు వేయాలి
5. హైదరాబాద్ నుంచి యాదాద్రి వరకు ఎంఎంటీఎస్​ రైలు మార్గంతో పాటు పనులు పూర్తి చేయాలి
6. మిర్యాలగూడ స్టేషన్ లో ఎక్స్ ప్రెస్ రైళ్లను ఆపాలి
7. భువనగిరి రైల్వే స్టేషన్​లో తెలంగాణ ఎక్స్ ప్రెస్ రైలు ఆపాలి
8. ఆలేరు రైల్వే స్టేషన్​లో పద్మావతి...దక్షిణ్​... మంగళూరు ఎక్స్ ప్రెస్ రైళ్లను ఆపాలి

• ఇదీ చూడండి : చిదంబరానికి నిరాశ- ఐఎన్​ఎక్స్​ కేసులో బెయిల్​ నిరాకరణ