హుజూర్నగర్ కాంగ్రెస్ అభ్యర్థిగా ఉత్తమ్ పద్మావతిని నిలబెట్టి గెలిపిస్తామని భువనగిరి ఎంపీ కోమటిరెడ్డి వెంకటరెడ్డి ప్రకటించారు. అసెంబ్లీ లాబీలో ఆయన మీడియాతో మాట్లాడారు. రేవంత్ రెడ్డి వ్యాఖ్యలపై స్పందించారు. హుజూర్‌నగర్లో ఎవరిని నిలబెట్టాలో తమకు తెలియదా అని ప్రశ్నించారు. తమ జిల్లా విషయంలో పక్క జిల్లా నాయకుల సలహాలు అవసరం లేదని చెప్పారు. ఈ మధ్య పార్టీలోకి వచ్చిన వారి సలహాలు తమకు అవసరం లేదన్నారు. రేవంత్‌రెడ్డి చెప్పే అభ్యర్థి పేరు తనకేకాదు ఆ ప్రాంత నేత, మాజీ మంత్రి జానారెడ్డికి కూడా తెలియదని ఎద్దేవా చేశారు. పీసీసీ రేసులో ఉన్నది తానేనని స్పష్టం చేశారు. ఉప ఎన్నికల్లో గెలిచేది తామేనన్న ఆయన... జానారెడ్డి, ఉత్తమ్ కుమార్ రెడ్డి తానూ ఒక్కటయ్యామన్నారు. పద్మావతిని నిలబడమని ఒప్పించాల్సి ఉందని ఎంపీ కోమటిరెడ్డి తెలిపారు.
ఉత్తమ్ పద్మావతే మా అభ్యర్థి: కొమటి రెడ్డి
