"క్యూనెట్​"కు ప్రచారం చేయలేదు.. సినీనటుల వివరణ

క్యూనెట్​"కు ప్రచారం చేయలేదని సినీనటులు వివరణ ఇచ్చారు. ఆ సంస్థకు తమకు ఎలాంటి లావాదేవీలు లేవని స్పష్టం చేశారు.

గొలుసుకట్టు వ్యాపారంతో వివాదాల్లో చిక్కుకున్న క్యూనెట్‌ సంస్థకు ఎదురుదెబ్బలు తగులుతూనే ఉన్నాయి. ఆ సంస్థతో తమకు ఎలాంటి లావాదేవీలు లేవని... సంస్థ తరఫున తాము ప్రచారం చేయలేదని పలువురు సినీ ప్రముఖులు సైబరాబాద్​ పోలీసులకు వివరణ ఇచ్చారు. క్యూనెట్​ గతంలో చేపట్టిన ప్రచార కార్యక్రమాల్లో పలువురు టాలీవుడ్​, బాలీవుడ్​ నటులు పాల్గొన్న అంశంపై సైబరాబాద్​ పోలీసులు ఇప్పటికే నోటీసులు జారీ చేశారు. సినీ నటులు షారుఖ్​ఖాన్​, బొమన్​ఇరానీ, వివేక్​ఒబెరాయ్​, పూజాహెగ్డే, అల్లు శిరీష్​, క్రికెటర్ యువరాజ్​సింగ్​లకు తాఖీదులు ఇచ్చారు. ఈ నేపథ్యంలో సంస్థ తరఫున తాము ప్రచారం చేయలేదని వివరణ ఇచ్చారు. దీనిపై వాస్తవాలను సైబరాబాద్​ పోలీసులు ఆరా తీస్తున్నారు.

ఇదీ చూడండి : మద్యం మత్తులో డ్రైవర్..ముగ్గురు విద్యార్థులు మృతి