హైదారాబాద్ పురానాపూల్కు చెందిన సూర్య ప్రకాశ్, కుత్బుల్లాపూర్కు చెందిన సయ్యద్ సలీం, సిరిసిల్లకు చెందిన పోచంపల్లి శ్రీనివాస్, శేఖర్, ఖానాపూర్కు చెందిన సుధాకర్, వరంగల్ రూరల్ జిల్లాకు చెందిన భరత్, షబానాలు దివ్యాంగులు. వీరు తమ పరిస్థితులను సోషల్ మీడియా వేదికగా పంచుకున్నారు.
ట్విట్టర్ ద్వారా దివ్యాంగుల దీన స్థితిని తెలుసుకున్న ఎమ్మెల్సీ కవిత తక్షణమే స్పందించారు. వారితో నేరుగా మాట్లాడి అండగా ఉంటానని హామీ ఇచ్చారు. ఇవాళ హైదరాబాద్లో ఆ ఏడుగురు దివ్యాంగులు ఎమ్మెల్సీ కవితను కలిశారు. కవిత వారందరికీ మూడు చక్రాల స్కూటీలను అందించారు. ఎప్పుడైనా ఏ సమస్య వచ్చినా వెంటనే తనను సంప్రదించాలని వారికి భరోసానిచ్చారు. కోరిన వెంటనే స్పందించి, సాయం అందించిన కవితకి దివ్యాంగులు కృతజ్ఞతలు తెలిపారు.
ఇదీ చదవండి: మాయ మాటలు చెప్పేవారిని మళ్లీ నమ్మొద్దు: జానారెడ్డి
