ఎగ్జిట్​ పోల్స్​ ఎప్పుడూ అంతే - అసలైన ఫలితాలు మాకు శుభవార్త చెబుతాయి : కేటీఆర్

Minister KTR Tweet on Election Results : చాలా కాలం తర్వాత రాత్రి కంటి నిండా నిద్రపోయానని.. బీఆర్ఎస్ వర్కింగ్ ప్రెసిడెంట్, మంత్రి కేటీఆర్‌ ట్విటర్ వేదికగా పేర్కొన్నారు. ఎగ్జిట్ పోల్స్​పై ఎక్స్​ (ట్విటర్)​ వేదికగా స్పందించిన ఆయన.. గురువారం వచ్చిన ఎగ్జిట్‌ పోల్స్‌ ఫలితాల్లో అతిశయోక్తులు ఉన్నాయన్నారు. అసలైన ఫలితాలు శుభవార్త చెబుతాయని ధీమా వ్యక్తం చేశారు.

Minister KTR Tweet on Election Results : తెలంగాణలో కీలక ఘట్టానికి తెరపడింది. గురువారం రోజు అసెంబ్లీ ఎన్నికలు ప్రశాంతంగా ముగిశాయి. దీంతో రాష్ట్రవ్యాప్తంగా గత ఆరు నెలలుగా నెలకొన్న ఎన్నికల(Telangana Elections) హడావిడికి ముగింపు పలికినట్లయింది. ఇక డిసెంబర్ 3న నేతల భవితవ్యం తేలనుంది. నాయకులంతా ఎన్నికల ఫలితాల కోసం వెయ్యి కళ్లతో ఎదురుచూస్తున్నారు.

రాబోయే ఫలితాలపై మంత్రి కేటీఆర్(KTR) ట్విటర్ వేదికగా స్పందించారు. చాలా కాలం తర్వాత.. తాను రాత్రి కంటి నిండా నిద్రపోయానని పేర్కొన్నారు. పోలింగ్ ముగిసిన తర్వాత వచ్చిన ఎగ్జిట్ పోల్స్ ఫలితాల్లో అతిశయోక్తులున్నాయని తెలిపారు. డిసెంబర్ 3న వచ్చే అసలైన ఫలితాలు.. తమకు శుభవార్త చెబుతాయని ధీమా వ్యక్తం చేశారు.

• After a long time had a peaceful sleep 😴
  
  Exit polls can take a hike
  
  Exact polls will give us good news. 👍#TelanganaWithKCR

  — KTR (@KTRBRS) December 1, 2023 " class="align-text-top noRightClick twitterSection" data="

  After a long time had a peaceful sleep 😴
  
  Exit polls can take a hike
  
  Exact polls will give us good news. 👍#TelanganaWithKCR

  — KTR (@KTRBRS) December 1, 2023

  ">

  After a long time had a peaceful sleep 😴
  
  Exit polls can take a hike
  
  Exact polls will give us good news. 👍#TelanganaWithKCR

  — KTR (@KTRBRS) December 1, 2023

KTR Reacts on Exitpolls Today : తెలంగాణలో గురువారం పోలింగ్‌ ముగిసిన తర్వాత పలు సంస్థలు ఎగ్జిట్‌ పోల్‌ అంచనాలను వెల్లడించాయి. రాష్ట్రంలో కాంగ్రెస్‌కే మొగ్గు ఉంటుందని మెజారిటీ సంస్థలు చెప్పాయి. వీటిపై కేటీఆర్ స్పందిస్తూ మీడియా సమావేశం నిర్వహించారు. అనంతరం మాట్లాడుతూ బీఆర్ఎస్​కు 88 సీట్లు వస్తాయని భావించామని.. వేర్వేరు కారణాల వల్ల 70కి పైగా స్థానాల్లో తమ పార్టీ విజయం సాధిస్తుందని ధీమా వ్యక్తం చేశారు.

2018లో టీఆర్ఎస్(బీఆర్ఎస్) ఓడిపోతుందని చాలా సంస్థలు చెప్పాయని కేటీఆర్ గుర్తు చేశారు. ఎగ్జిట్ పోల్స్​లో ఒక్క సంస్థ మాత్రమే టీఆర్ఎస్(బీఆర్ఎస్) గెలుస్తుందని చెప్పిందని పేర్కొన్నారు. 2018లోనూ అప్పటి ఎగ్జిట్‌ పోల్స్‌ అంచనాలు అన్నీ తప్పాయన్నారు. అప్పుడు ఫలితాలు ఎలా వచ్చాయో.. ఈసారీ అలాంటి ఫలితాలే వస్తాయని కేటీఆర్ ధీమా వ్యక్తం చేశారు.

Telangana Elections Polling 2023 : ఎగ్జిట్‌ పోల్స్‌కు అంత శాస్త్రీయత ఉందని అనుకోవట్లేదని మంత్రి కేటీఆర్ పేర్కొన్నారు. పోలింగ్ జరుగుతుండగానే ఎగ్జిట్‌ పోల్స్ సర్వే(Exit Polls Survey) జరుగుతుందని వెల్లడించారు. ఎగ్జిట్‌ పోల్స్‌ చూసి కార్యకర్తలు ఆందోళన చెందవద్దని సూచించారు. డిసెంబర్ 3న 70 కంటే ఎక్కువ స్థానాలు బీఆర్ఎస్ పార్టీ​కి తప్పకుండా వస్తాయని.. మూడోసారి కేసీఆర్ ముఖ్యమంత్రి కావడం ఖాయమని ధీమా వ్యక్తం చేశారు. బీఆర్ఎస్ పార్టీ అభ్యర్థులను ఖరారు చేసినప్పటి నుంచి.. రెండు మూడు నెలల పాటు కష్టపడిన ప్రతి ఒక్కరికీ మంత్రి కేటీఆర్ ధన్యవాదాలు తెలిపారు.