తెలంగాణ ప్రభుత్వం అత్యంత ప్రతిష్ఠాత్మకంగా అమలు చేస్తున్న పథకాల్లో డబుల్ బెడ్ రూం పథకం ఒకటి. రెండు పడక గదులు, హాల్, ఒక్క వంట గదితో డబుల్ బెడ్ రూం ఇళ్లను నిర్మిస్తున్నారు. గ్రేటర్లో నిర్మాణం పూర్తైన ఇళ్లను పంపిణీ చేసేందుకు నిర్ణయించారు. ఈ నెల 26, 28, జులై 1, 4 తేదీల్లో లబ్ధిదారులకు ఇళ్లు కేటాయింపు చేపట్టనున్నారు. పురపాలక శాఖ మంత్రి కేటీఆర్(KTR) అర్హులకు ఇళ్ల పత్రాలు అందజేయనున్నారు.
అంబేడ్కర్‌నగర్ పీవీ మార్గ్‌లో 330 ఇళ్లు, జీవైఆర్ కాంపౌండ్‌లో 180, పొట్టి శ్రీరాములు నగర్‌లో 162 ఇళ్లను కేటీఆర్ పంపిణీ చేయనున్నారు. గొల్లకుర్మయ్య కాలనీలో 10 ఇళ్లు లబ్ధిదారులకు అందివ్వనున్నారు. నిర్మాణం పూర్తైన మరికొన్ని చోట్ల దశలవారీగా ఇళ్లు పంపిణీ చేయనున్నారు.
ఇదీ చదవండి: CM KCR: ఈ నెల 22న వాసాలమర్రికి సీఎం కేసీఆర్
