హైదరాబాద్ జీనోమ్ వ్యాలీలో టీకా పరీక్ష, ధ్రువీకరణ కేంద్రం ఏర్పాటు చేయాలని కోరినందుకు ఉపరాష్ట్రపతి వెంకయ్యనాయుడుకి పురపాలక, ఐటీ శాఖ మంత్రి కేటీఆర్ కృతజ్ఞతలు తెలిపారు. ల్యాబ్ ఏర్పాటు చేయాలంటూ తాను చేసిన విజ్ఞప్తిని ఆమోదిస్తూ మాట్లాడినందుకు ధన్యవాదాలు చెప్పారు.
హైదరాబాద్ ప్రపంచ వ్యాక్సిన్ రాజధానిగా మారిన తరుణంలో ల్యాబ్ ఏర్పాటు ప్రక్రియ వేగవంతం కావాలని కేటీఆర్ ఆకాంక్షించారు. జీనోమ్ వ్యాలీలో టీకా పరీక్ష, ధ్రువీకరణ కేంద్రం కోసం రాష్ట్ర ప్రభుత్వం విజ్ఞప్తి చేసింది. తెలంగాణ విజ్ఞప్తిని పరిశీలించాలని కేంద్ర ఆరోగ్య మంత్రి హర్షవర్ధన్‌కు ఉపరాష్ట్రపతి సూచించారు.
ఇదీ చదవండి: పేదల చెంతకే మెరుగైన ఉచిత వైద్యం: మంత్రి కేటీఆర్
