రాష్ట్రంలోని అన్ని ప్రభుత్వ ఆసుపత్రులకు 10.3 లక్షల పీపీఈ కిట్లు, 18.50 లక్షల ఎన్-95 మాస్కులు, 24 వేలకుపైగా రెమిడీస్వేర్ ఇంజిక్షన్లు అందించామని మంత్రి ఈటల పేర్కొన్నారు. రాష్ట్ర వ్యాప్తంగా 10 వేల ఆక్సిజన్ బెడ్లను అన్ని ఆసుపత్రుల్లో అందుబాటులో ఉంచామని.. గాంధీ ఆసుపత్రిలో 1000 ఆక్సిజన్ బెడ్లు,500 వెంటిలేటర్లు అందుబాటులో ఉన్నాయన్నారు. 1224 పడకల సామర్థ్యంతో అన్ని వసతులు, సౌకర్యాలతో తెలంగాణ ఇన్స్టిట్యూట్ ఆఫ్ మెడికల్ సైన్సెస్ను నూతనంగా ఏర్పాటు చేసి కొవిడ్ రోగులకు చికిత్స అందిస్తున్నామని తెలిపారు.
మహమ్మారి బారినపడిన దాదాపు 80 శాతం మంది ఆసుపత్రికి రావాల్సిన అవసరం ఉండడం లేదని అలాంటి వారికి హోం ఐసోలేషన్ ఇచ్చి వారికి అవసరమైన కిట్లను ప్రభుత్వమే అందిస్తోందని ఈటల పేర్కొన్నారు. హోం ఐసోలేషన్కు ప్రత్యామ్నాయంగా 121 ఐసోలేషన్ కేంద్రాలను ఏర్పాటు చేసింది. కరోనాపై ప్రజల్లో అవగాహన ఏర్పడిందన్నారు. ఎంతమందికి కరోనా సోకినా సరే వారికి చికిత్స అందించేందుకు ప్రభుత్వం సిద్ధంగా ఉందని ఆయన వెల్లడించారు.
ఇవీ చూడండి: రఫేల్ జెట్ల విన్యాసాలు- శత్రువుల గుండెల్లో గుబులు
