Metro rail expansion work program: రెండో దశ మెట్రో రైలు విస్తరణ ప్రాజెక్టు ఎంతో గొప్పదని పశుసంవర్ధక శాఖ మంత్రి తలసాని శ్రీనివాస్ యాదవ్ అన్నారు. ఆయన హైదరాబాద్ నగరానికి చెందిన ఎమ్మెల్యేలు, ఎమ్మెల్సీలు, మేయర్, టీఆర్ఎస్ పార్టీ నియోజకవర్గ ఇంఛార్జిలతో సమావేశం నిర్వహించారు. రూ.6,250 కోట్ల వ్యయంతో 31 కిలో మీటర్ల మేర నిర్మించనున్న ఈ మెట్రో రైలు రెండో దశ విస్తరణ చరిత్రలో నిలిచిపోయే విధంగా ఉంటుందని మంత్రి అభిప్రాయపడ్డారు.
ఈ ప్రాజెక్టు పనులకు సీఎం కేసీఆర్ ఈ నెల 9వ తేదీన మైండ్ స్పేస్ జంక్షన్ వద్ద శంకుస్థాపన చేస్తారని మంత్రి తెలిపారు. శంఖుస్థాపన అనంతరం రాజేంద్రనగర్లో ఉన్న తెలంగాణ పోలీస్ గ్రౌండ్స్లో ఏర్పాటు చేసిన బహిరంగ సభలో పాల్గొని, ప్రసగించనున్నారని పేర్కొన్నారు. ఈ కార్యక్రమానికి నగరంలోని అన్ని నియోజక వర్గాల నుంచి టీఆర్ఎస్ నాయకులు, కార్యకర్తలు పెద్ద సంఖ్యలో హాజరై విజయవంతం చేయాలని కోరారు.
ఈ రెండోదశ మెట్రో రైలు లైన్ ప్రారంభమైతే.. శంషాబాద్ వైపు వెళ్లే విమాన ప్రయాణికులు, ఐటీ కారిడార్కి వెళ్లే ఉద్యోగులకు, ఇంకా చాలా మందికి అనేక రకాలుగా ఉపయోగ పడుతుందని తెలిపారు. వీరి అందరికీ ట్రాఫిక్ నుంచి విముక్తి లభిస్తుందని ధీమా వ్యక్తం చేశారు. ఈ సమావేశంలో ఎమ్మెల్సీలు సురభి వాణిదేవి, ప్రభాకర్ రావు, మేయర్ గద్వాల్ విజయలక్ష్మి, ఎమ్మెల్యేలు మాగంటి గోపినాథ్, దానం నాగేందర్, ముఠా గోపాల్, కాలేరు వెంకటేష్, సాయన్న తదితర నాయకులు పాల్గొన్నారు.
ఇవీ చదవండి:
