పటాన్​చెరులో ఎంబీఏ విద్యార్థిని అదృశ్యం

మీసేవా కేంద్రానికి వెళ్తానని చెప్పి వెళ్లిన ఎంబీఏ విద్యార్థిని రెండు రోజులైనా ఇంటికి తిరిగి రాకపోవటం వల్ల ఆమె తండ్రి పటాన్​చెరు ఠాణాలో ఫిర్యాదు చేశాడు. కేసు నమోదు చేసిన పోలీసులు దర్యాప్తు చేస్తున్నారు.

సంగారెడ్డి జిల్లా పటాన్​చెరు మండలం ముత్తంగి గ్రామం డీఎన్​కాలనీలో ఉంటున్న లక్ష్మారెడ్డికి ఇద్దరు కూతుళ్లు. అతని పెద్ద కుమార్తె అక్షిత ఎంబీఏ తొలి సంవత్సరం చదువుతోంది. ఈ నెల 5వ తేదీన ఉదయం మీసేవా కేంద్రానికి వెళ్తున్నానని ఇంట్లో చెప్పి బయటకు వెళ్లింది.

సాయంత్రం వరకు ఇంటికి రాకపోవటం వల్ల తల్లిదండ్రులు కంగారుపడ్డారు. అనంతరం ఆచూకీ కోసం బంధువుల ఇంటి వద్ద వెతికినా లాభం లేకుండాపోయింది. ఆమె చరవాణికి కాల్​ చేసినా స్విచ్ ఆఫ్ వచ్చినట్లు ఆమె తండ్రి వెల్లడించారు. రెండో రోజు కూడా ఆచూకీ లభ్యం కాకపోవటం వల్ల పటాన్​చెరు ఠాణాలో ఫిర్యాదు చేసినట్లు లక్ష్మారెడ్డి తెలిపారు. అదృశ్యం కేసు నమోదు చేసుకున్న పోలీసులు దర్యాప్తు చేస్తున్నారు.