ముఖ్యమంత్రి కేసీఆర్ ఆర్టీసీని ఖతం చేయాలని చూస్తే... కేసీఆర్ రాజకీయ జీవితాన్ని ఎస్సీ, ఎస్టీ, బీసీ, మైనార్టీ కులాలు ఖతం చేస్తాయని ఎమ్మార్పీఎస్ వ్యవస్థాపకులు మందకృష్ణ మాదిగ హెచ్చరించారు. హైదరాబాద్ సోమాజిగూడలోని ప్రెస్క్లబ్లో ఆర్టీసీ కార్మికుల సమ్మెకు మద్దతుగా ఎస్సీ, ఎస్టీ, బీసీ, మైనార్టీ, అగ్రకుల పేదల వేదిక ఆధ్వర్యంలో రౌండ్ టేబుల్ సమావేశం నిర్వహించారు.
సబ్బండ వర్గాల మహాధర్నా
ఈ సమావేశంలో మందకృష్ణ మాదిగతో పాటు ఆయా సంఘాలకు చెందిన నేతలు పెద్ద సంఖ్యలో పాల్గొని.. ఆర్టీసీ కార్మికులకు అండగా ఉంటామని భరోసానిచ్చారు. ఈ సందర్భంగా తమ భవిష్యత్ కార్యచరణను మందకృష్ణ మాదిగ ప్రకటించారు. ఈనెల 17న ఇందిరా పార్క్ వద్ద సబ్బండ వర్గాలు మహాధర్నా నిర్వహిస్తున్నట్లు మందకృష్ణ మాదిగ తెలిపారు.
గవర్నర్ను కలవనున్న మందకృష్ణ
ఈనెల 20న రాష్ట్ర గవర్నర్ తమిళిసైని కలిసి ఆర్టీసీని ప్రైవైట్ పరం చేస్తే.. ఎస్సీ, ఎస్టీ, బీసీ, మైనార్టీలకు ఉద్యోగ భద్రత లేకుండా పోతుందన్న విషయాన్ని వివరించనున్నట్లు ఆయన తెలిపారు. 30న 10 లక్షల మందితో హైదరాబాద్లో భారీ కవాతు నిర్వహించనున్నట్లు వివరించారు.
ఇవీ చూడండి: మోయతుమ్మెద వాగులో మునిగి ముగ్గురు మృతి
