పదో తరగతి ఫలితాల్లో తప్పులేనా : లక్ష్మణ్

ఇంటర్​ ఫలితాల్లో అవకతవకల వల్ల సుమారు 3లక్షల మంది విద్యార్థులు ఫెయిలవ్వడమే కాక ... మిగతా విద్యార్థుల భవిష్యత్​ అంధకారంగా మారిందని భాజపా రాష్ట్ర అధ్యక్షుడు లక్ష్మణ్ ఆవేదన వ్యక్తం చేశారు. విద్యాశాఖ మంత్రి నైతికంగా బాధ్యత వహించి తన పదవికి రాజీనామా చేయాలని డిమాండ్ చేశారు.

ఇంటర్​ ఫలితాల్లో అవకతవకల వల్ల ఎంతో మంది విద్యార్థులు జాతీయ స్థాయి పరీక్షలకు అనర్హులుగా మిగిలారని భాజపా రాష్ట్ర అధ్యక్షుడు లక్ష్మణ్​ ఆవేదన వ్యక్తం చేశారు. కేసీఆర్​ ప్రభుత్వం పరీక్షలు నిర్వహించడంలో విఫలమై ఇంటర్మీడియట్​ సిస్టమ్​నే ఎత్తివేసి సీబీఎస్సీ తరహాలో తీసుకొస్తామనడం సమంజసం కాదని మండిపడ్డారు. మరో రెండ్రోజుల్లో రానున్న పదో తరగతి ఫలితాల్లోనూ తప్పులు దొర్లాయనే సమాచారం వార్తాపత్రికల్లో వచ్చిందన్నారు. ఇప్పటికైన తగిన జాగ్రత్తలు తీసుకుని ఫలితాలు వెల్లడించాలని ప్రభుత్వానికి లక్ష్మణ్ సూచించారు.

ఇదీ చూడండి : లంకలో భీకర పోరు- 15 మంది మృతి