బోర్డు ఛైర్మన్ ఆర్కే గుప్తా ఆధ్వర్యంలో కృష్ణా నదీ యాజమాన్య బోర్డు సమావేశం నేడు జరగనుంది. నిన్న జరగాల్సిన భేటి వాయిదా పడగా... దానిని నేడు నిర్వహించనున్నారు. ఈ సమావేశంలో తెలంగాణ ప్రభుత్వ ప్రధాన కార్యదర్శి సోమేశ్ కుమార్, ఆంధ్రప్రదేశ్ జలవనరుల శాఖ ప్రత్యేక ప్రధాన కార్యదర్శి ఆదిత్యనాథ్ దాస్, ఇరు రాష్ట్రాల చీఫ్ ఇంజనీర్లు, బోర్డు సభ్యకార్యదర్శి పరమేశం పాల్గొంటారు. కేంద్ర జల్శక్తి మంత్రిత్వశాఖ సమావేశం నిర్వహించనున్న నేపథ్యంలో ఈ సమావేశం జరగనుంది. బోర్డు ప్రధాన కార్యాలయం తరలింపు, జలాల సరిహద్దులతో పాటు ప్రధానంగా 4 అంశాలను చర్చింనున్నట్లు తెలుస్తోంది.
ఈ సమీక్షలో ప్రధానమైన 4 అంశాలతో పాటు కొత్తగా రెండు అంశాలను రెండు రాష్ట్రాలు లేవనెత్తే అవకాశం ఉన్నట్లు తెలిసింది. చెన్నై తాగునీటి విడుదల అంశాన్ని కూడా బోర్డు పరిధిలోకి చేర్చాలని... తెలంగాణ వరదల సమయంలో వినియోగించుకుంటున్న నీటిని లెక్కలోకి తీసుకోవద్దని... ఏపీ బోర్డు ఛైర్మన్ అనుమతితో ప్రస్తావించే అవకాశాలు ఉన్నట్లు సమాచారం. వీటితో పాటు అజెండాలో చేర్చిన కేఆర్ఎంబీకి నిధుల కేటాయింపు, రెండు రాష్ట్రాల నడుమ నదీ జలాల పంపిణీ, 10వ బోర్డు సమావేశంలో తీసుకున్న నిర్ణయాల అమలుపై తీర్మానం. బోర్డును ఏపీ రాజధానికి తరలింపు వంటి అంశాలపై చర్చించనున్నారు.
ఇవీ చూడండి: పార్టీ మారనని బాండ్ రాసిస్తేనే బీ ఫారం...!
