వరవరరావును బెయిల్​పై విడుదల చేయాలి: కోదండరాం

జైలులో ఉన్న పౌర హక్కుల నేత వరవరరావును బెయిల్​పై విడుదల చేయాలని కేంద్ర, మహారాష్ట్ర ప్రభుత్వాలకు తెజస అధ్యక్షుడు ప్రొ.కోదండరాం విజ్ఞప్తి చేశారు.

ముంబైలోని తలోజా జైలులో ఉన్న ప్రముఖ కవి, సామాజిక ఉద్యమకారుడైన వరవరరావు ఆరోగ్య పరిస్థితి ఆందోళనకరంగా ఉందని... ఆయన్ను వెంటనే బెయిల్​పై విడుదల చేయాలని కేంద్ర, మహారాష్ట్ర ప్రభుత్వాలకు తెజస అధ్యక్షులు కోదండరాం విజ్ఞప్తి చేశారు. బడుగు బలహీన, అణగారిన వర్గాల కోసం జీవితాంతం పోరాడిన తెలంగాణ వాది ఆరోగ్యం పట్ల రాష్ట్ర ప్రభుత్వం చొరవ తీసుకోవాలని డిమాండ్​ చేశారు.

కుటుంబ సభ్యుల సమక్షంలో వైద్య చికిత్స అందించేందుకు అవకాశం కల్పించే విధంగా కేంద్ర ప్రభుత్వంతో ముఖ్యమంత్రి కేసీఆర్ మాట్లాడాలని కోదండరాం కోరారు.

ఇదీ చూడండి: తెలంగాణలో 36 వేలు దాటిన కరోనా కేసులు, 365కి చేరిన మృతుల సంఖ్య