MLA Dance in Women's Day: మహిళా దినోత్సవ వేడుకల్లో ఖైరతాబాద్ తెరాస ఎమ్మెల్యే దానం నాగేందర్ స్టెప్పులతో అదరగొట్టారు. డీజే పాటలకు మహిళలతో కలిసి నృత్యం చేసి హోరెత్తించారు. ఎమ్మెల్యే దానం స్టెప్పులకు జత కట్టిన మహిళలు ఉత్సాహంగా చిందులు వేశారు. హైదరాబాద్ జలగం వెంగళరావు పార్కులో స్థానిక కార్పొరేటర్ మన్నె కవితారెడ్డి ఆధ్వర్యంలో ఏర్పాటు చేసిన మహిళా దినోత్సవ కార్యక్రమానికి ఆయన ముఖ్య అతిథిగా హాజరయ్యారు.
నిత్యం రాజకీయ కార్యక్రమాల్లో బిజీబిజీగా గడిపే ఎమ్మెల్యే డ్యాన్స్ మొదలెట్టగానే మహిళలు మరింత ఉత్సాహంగా స్టెప్పులు వేశారు. డాన్సులు చేస్తూ మహిళలంతా సంతోషం వ్యక్తం చేశారు. మహిళలతో కలిసి స్టెప్పులు వేయడం ఆనందంగా ఉందని దానం తెలిపారు. అనంతరం కల్యాణ లక్ష్మీ, షాదీ ముబారక్ చెక్కులను లబ్దిదారులకు దానం నాగేందర్ పంపిణీ చేశారు.
ఇదీ చూడండి:
నగర పోలీస్ చరిత్రలోనే తొలిసారి.. మహిళా ఎస్హెచ్వోగా మధులత బాధ్యతలు
