సమాఖ్య కూటమి ఏర్పాటుకు గులాబీ అధినేత కేసీఆర్ ప్రాంతీయ పార్టీలతో చర్చలు కొనసాగిస్తున్నారు. గతంలో నవీన్ పట్నాయక్, మమత బెనర్జీతో చర్చలు జరిపిన కేసీఆర్ పోయిన వారం కేరళ వెళ్లి పినరయ్ విజయన్ను కలిశారు. నేడు డీఎంకే అధ్యక్షుడు స్టాలిన్తో సమావేశం కానున్నారు. నిన్న సాయంత్రం కేసీఆర్ కుటుంబ సమేతంగా ప్రత్యేక విమానంలో తమిళనాడు బయల్దేరారు.
ఆసక్తిని రేకెత్తిస్తున్న కేసీఆర్ పర్యటనలు
ఇవాళ ఉదయం కేసీఆర్ శ్రీరంగం, తిరుచ్చిలోని ఆలయాలను సందర్శిస్తారు. సాయంత్రం 4.30 గంటలకు స్టాలిన్తో భేటి అవుతారు. సీఎం గతేడాది కరుణానిధితో పాటు స్టాలిన్ను కలిశారు. లోక్సభ ఫలితాలకు 10 రోజుల గడవు ఉన్న సమయంలో కేసీఆర్ పర్యటనలు ఆసక్తిని రేకెత్తిస్తున్నాయి. కేంద్రంలో కాంగ్రెస్, భాజపాలకు ప్రత్యమ్నాయంగా సమాఖ్య కూటమిని సీఎం ప్రతిపాదిస్తుండగా కొన్ని పార్టీలు మద్దతు ఇస్తుండగా...మరికొన్ని ఆచితూచి వ్యవహరిస్తున్నాయి.
ఇవీ చూడండి: సత్తాచాటారు.. అవార్డులు దక్కించుకున్నారు
