రైతులకు యూరియా సరఫరా చేయలేని దుస్థితిలో కేసీఆర్ సర్కార్ ఉందని కిసాన్ మోర్చా జాతీయ ప్రధాన కార్యదర్శి సుగుణాకర్ రావు ధ్వజమెత్తారు. తెలంగాణకు సరిపడా యూరియాను కేంద్రం పంపించిందని.. గోదాములు ఖాళీ లేవని రాష్ట్ర ప్రభుత్వమే తీసుకోలేదని ఆయన వెల్లడించారు. మార్క్‌ఫెడ్స్‌ను ప్రభుత్వం సరిగ్గా నిర్వహించకపోవడం వల్లే గోదాముల కొరత ఏర్పడిందని ఆరోపించారు. అవసరాని కంటే ఎక్కువ స్టాక్ పెట్టుకోమని కేంద్రం పదే పదే కోరినా రాష్ట్రం పట్టించుకోలేదన్నారు. రైతులను ఆదుకోవడంలో తెరాస ప్రభుత్వం విఫలమైందని ఆగ్రహించారు. ఎరువుల సరఫరాపై ప్రభుత్వం వద్ద విధివిధానాలే లేవని ఎద్దేవా చేశారు. రైతు రుణమాఫీపై ప్రభుత్వం మాట తప్పిందని మండిపడ్డారు.
కేసీఆర్ రైతులను కేవలం ఓటు బ్యాంక్‌గా మాత్రమే చూస్తున్నారు : కిసాన్ మోర్చా
