ప్రజలు భూకబ్జాదారులను నమ్ముతూ.. ప్రభుత్వ భూములు కొని మోసపోతున్నారని హైదరాబాద్ కాప్రా తహసీల్దార్ గౌతమ్ పేర్కొన్నారు. ప్లాట్లు తక్కువ ధరకే లభిస్తున్నాయంటూ.. ప్రజలను మభ్య పెడుతున్నారన్నారు. వారి పట్ల ప్రజలు అప్రమత్తంగా ఉండాలని కోరారు.
ప్రభుత్వ స్థలాల్లో అక్రమ లే-అవుట్లు చేసేవారిని ప్రజలు గుర్తించాలని తహసీల్దార్ విజ్ఞప్తి చేసారు. అనుమానం వచ్చిన వ్యక్తులను నిలదీసి, ఆ సమాచారం తమకు తెలపాలని కోరారు. నిందితులపై చట్టరీత్యా క్రిమినల్ కేసులు నమోదు చేయిస్తామని స్పష్టం చేసారు.
సికింద్రాబాద్ జవహర్నగర్ సర్వే నెం. 347లోని ఐదెకరాల్లో ప్రభుత్వ సూచిక బోర్డులు ఏర్పాటు చేశామని తహసీల్దార్ పేర్కొన్నారు. బోర్డులు తొలగిస్తే.. కఠిన చర్యలు తప్పవని హెచ్చరించారు.
ఇదీ చదవండి: ఆలయ భూములను కూడా వదలని భూకబ్జాదారులు
