Investment Fraud Case Update : పెట్టుబడుల పేరుతో మోసం చేసిన కేసులో మరో నిందితుడు అరెస్ట్​.. ముఠా వెనుక చైనీయులు

Investment Fraud Case One Person Arrest : పెట్టుబడులు పేరుతో మోసానికి పాల్పడిన కేసులో హైదరాబాద్​ పోలీసులు మరో నిందితుడ్ని పట్టుకున్నారు. ప్రధాన నిందితుడికి సాయం చేస్తున్నట్లు గుర్తించారు. ఈ ముఠా వెనుక చైనీయులు ఉన్నట్లు పోలీసుల దర్యాప్తులో తేలిందని హైదరాబాద్ సైబర్ క్రైం పోలీసులు తెలిపారు.

Investment Fraud Case Update : పెట్టుబడుల పేరుతో మోసానికి పాల్పడిన కేసులో హైదరాబాద్ సైబర్ క్రైం పోలీసులు మరో నిందితుడ్ని అరెస్ట్ చేశారు. ముంబయికి చెందిన అమన్ థాపా అనే నిందితుడ్ని అరెస్ట్ చేసి రిమాండ్​కు తరలించారు. ప్రధాన నిందితుడు ప్రకాష్ ప్రజాపతికి అమన్ థాపా సహకరించినట్లు పోలీసుల దర్యాప్తులో తేలింది. పెట్టుబడులు పెడితే అధిక లాభాలు వస్తాయంటూ మోసాలకు పాల్పడుతున్న ముఠాను గత నెల హైదరాబాద్ సైబర్ క్రైం పోలీసులు అరెస్ట్ చేశారు. దాదాపు 15వేల మంది నుంచి రూ.712కోట్లు వసూలు చేసినట్లు పోలీసులు నిర్ధారించారు. ఈ మోసం వెనుక చైనీయులున్నట్లు దర్యాప్తులో తేలింది.

Starting of Investment Fraud Case : హైదరాబాద్​లోని చిక్కడ్ పల్లికి చెందిన శివకుమార్​కు టెలిగ్రామ్ యాప్​లో ఈ ఏడాది మార్చిలో ఓ సందేశం వచ్చింది. పెట్టుబడి పెడితే అధిక లాభాలిస్తామంటూ సందేశం పంపించడంతో నిజమని నమ్మి విడతల వారీగా నిందితులు సూచించిన విధంగా రూ.6.28 లక్షలు జమ చేశాడు. నిందితులు సూచించి యాప్​లో డబ్బులు కనిపిస్తున్నా.. వాటిని విత్ డ్రా చేస్తే రాకపోవడంతో మోసపోయినట్లు గుర్తించి.. నిందుతుడు హైదరాబాద్ సైబర్ క్రైం పోలీసులకు ఫిర్యాదు చేశాడు. బాధితుడు జమ చేసిన బ్యాంకు ఖాతాల ఆధారంగా దర్యాప్తు చేపట్టిన పోలీసులకు నగరానికి చెందిన నలుగురు యువకుల లక్నోలో డొల్ల కంపెనీలు ప్రారంభించించి వాటి ద్వారా 33 బ్యాంకు ఖాతాలు తెరిచినట్లు తేల్చారు. వాటిలోని 6 ఖాతాల్లో శివకుమార్ రూ.28లక్షలు బదిలీ చేసినట్లు తేల్చారు. అహ్మదాబాద్​కు చెందిన ప్రకాష్ ప్రజాపతి సూచనతో డొల్ల కంపెనీలు, బ్యాంకు ఖాతాలు తెరిచి వాటి ద్వారా మోసాలకు పాల్పడుతున్నట్లు సైబర్ క్రైం పోలీసులు గుర్తించారు. ప్రకాష్ ప్రజాపతి వెనక ముగ్గురు చైనీయులున్నట్లు(China) గుర్తించారు. గతంలోనూ ప్రకాష్ ప్రజాపతిని హైదరాబాద్ సైబర్ క్రైం పోలీసులు ఓ కేసులో అరెస్ట్ చేసి రిమాండ్​కు తరలించారు. బెయిల్​పై విడుదలైన ప్రకాష్ మరోసారి చైనీయులతో కలిసి రూ.712కోట్ల వసూలు చేశాడు.

Full Details of Investment Fraud Case : సెల్‌ కంపెనీల ద్వారా దుబాయ్‌, చైనా నుంచి మోసాలను జరుగుతున్నట్లు గుర్తించారని అన్నారు. ఆయా దేశాల్లో ఉన్న ప్రధాన నిందితులకు భారత్‌లో సహకరిస్తున్న తొమ్మిది మందిని అరెస్ట్‌ చేశామని ప్రకటించారు. వారికి సంబంధించిన ఖాతాల్లోని డబ్బును క్రిప్టో కరెన్సీ ద్వారా బదిలీ చేసుకుని చైనా, దుబాయ్‌లో విత్‌డ్రా చేస్తున్నారని తెలిసిందని చెప్పారు. హిజ్బుల్లా క్రిప్టో వాలెట్​ను తీవ్రవాద సంస్థలు ఉపయోగిస్తున్నట్లు గుర్తించిన విదేశీ నిఘా సంస్థలు.. దాన్ని నిషేధించాయి.సైబర్ క్రైం పోలీసుల ఎఫ్ఐఆర్ ఆధారంగా ఈడీ అధికారులు ఈసీఐఆర్ నమోదు చేసి.. దర్యాప్తు చేస్తున్నారు. అమాయకుల నుంచి వసూలు చేసిన డబ్బులు చైనాకు ఎలా తరలించారనే కోణంలో ఆరా తీస్తున్నారు. ఇప్పటికే సైబర్ క్రైం పోలీసుల(Cyber Crime Police) నుంచి నిందితులకు చెందిన బ్యాంకు ఖాతాల వివరాలు తెలుసుకున్న ఈడీ అధికారులు వాటిని పరిశీలిస్తున్నారు. క్రిప్టో వాలెట్​లో ఉన్న డబ్బుల గురించి వివరాలు సేకరిస్తున్నారు.