ఇంటర్మీడియట్ పరీక్ష కేంద్రాలను భారీగా పెంచేందుకు ఇంటర్ బోర్డు నిర్ణయించింది. 600 పరీక్ష కేంద్రాలను అదనంగా ఏర్పాటు చేయనున్నట్లు బోర్డు కార్యదర్శి సయ్యద్ ఉమర్ జలీల్ వెల్లడించారు. కరోనా పరిస్థితుల కారణంగా భౌతిక దూరం పాటించాల్సి ఉన్నందున ఈ మేరకు కసరత్తు చేస్తున్నట్లు తెలిపారు.
మే 3 నుంచి ఇంటర్మీడియట్ ప్రథమ, ద్వితీయ సంవత్సరం పరీక్షలు జరగనున్నాయి. సుమారు 9 లక్షల మంది విద్యార్థులు పరీక్షలు రాయనున్నారు. గతేడాది రాష్ట్ర వ్యాప్తంగా దాదాపు 1,369 పరీక్ష కేంద్రాలను ఏర్పాటు చేశారు. ఈ ఏడాది అదనంగా 600 పరీక్ష కేంద్రాలను సిద్ధం చేస్తున్నారు. జూనియర్ కాలేజీలు సరిపోనందున సుమారు 200 పాఠశాలలు, మరో 200 డిగ్రీ కాలేజీలనూ పరీక్ష కేంద్రాల కోసం ఎంపిక చేశారు.
ఇదీ చూడండి: 'మిథానిలో కేంద్ర వాటా తగ్గింపునకు ప్రయత్నిస్తున్నాం'
