కొవిడ్‌-19 బారిన పడిన వారిని కాపాడేందుకు సికింద్రాబాద్‌ గాంధీ ఆసుపత్రి వైద్యులు నిరంతరం శ్రమిస్తున్నారని వైద్యశాల సూపరింటెండెంట్ డా. శ్రవణ్ కుమార్ అన్నారు. కరోనా బాధితులను కంటికి రెప్పలా చూసుకుంటున్నారని చెప్పారు. బాధితులు వైరస్ బారి నుంచి త్వరగా బయటపడేందుకు పోషకాలతో కూడిన ఆహార పదార్థాలను అందిస్తున్నామన్నారు. ఉదయం పాలు, బ్రెడ్డుతోపాటు మధ్యాహ్నం రెండు రకాల కూరలు, అన్నం, పెరుగు, గుడ్డును అందజేస్తున్నట్లు తెలిపారు. సాయంత్రం వేళలో డ్రై ఫ్రూట్స్‌ను ప్రత్యేకంగా ఇస్తున్నట్లు పేర్కొన్నారు. రాత్రి భోజనంలో పోషకాహారాన్ని అందిస్తున్నట్లు చెప్పారు. పోషక పదార్థాలతో కూడిన ఆహారం మూలంగా బాధితులు త్వరగా కోలుకునే అవకాశం ఉంటుందని అన్నారు.
ఇవీచూడండి: పంజాగుట్టలో రోడ్డు విస్తరణ పనులను పరిశీలించిన కేటీఆర్
