తెలంగాణలో ఎంబీఏ, ఎంసీఏ కోర్సుల్లో ప్రవేశానికి నిర్వహించే టీఎస్ ఐసెట్ నోటిఫికేషన్-2019-2020 శుక్రవారం విడుదల కానుంది. రాష్ట్ర ఉన్నత విద్యామండలి ఛైర్మన్ ఆచార్య టి. పాపిరెడ్డి నోటిఫికేషన్ విడుదల చేస్తారని ఐసెట్- 2019 కన్వీనర్ ఆచార్య సీహెచ్ రాజేశం తెలిపారు.
మే23,24 తేదీల్లో పరీక్షలు
ఈనెల 11 నుంచి అంతర్జాలంలో దరఖాస్తులు స్వీకరిస్తారు. ఆలస్య రుసుం లేకుండా మే మూడో తేదీ వరకూ దరఖాస్తు చేసుకోవచ్చు. అన్ని రకాల ఆలస్య రుసుముతో మే 18తో గడువు ముగుస్తుంది. మే 9 నుంచి ఆన్లైన్ ద్వారా హాల్టికెట్లు పొందవచ్చు. మే 23, 24 తేదీల్లో రాష్ట్ర వ్యాప్తంగా ఆన్లైన్లో పరీక్ష నిర్వహిస్తారు. అదే నెల 29న ప్రాథమిక కీని విడుదల చేస్తారు. జూన్ 1వరకూ కీ పైన అభ్యంతరాలు స్వీకరిస్తారు. జూన్ 13న తుది ఫలితాలు వెల్లడిస్తామని రాజేశం తెలిపారు.
ఇవీ చదవండి:కొంపముంచింది ట్రక్కే..
