హైదరాబాద్‌లో నకిలీ పత్తి విత్తనాలు తయారు చేస్తున్న ఓ ముఠాను రాచకొండ పోలీసులు అరెస్ట్ చేశారు. పక్కా సమాచారం మేరకు వ్యవసాయ శాఖ అధికారులు, ఎస్వోటీ పోలీసులు సంయుక్తంగా దాడులు నిర్వహించి... నిందితులను అరెస్టు చేశారు. రాచకొండ సీపీ మహేష్ భగవత్ నిందితులను మీడియా ముందు హాజరుపరిచారు.
కందుకూర్ పోలీస్టేషన్ పరిధిలో నలుగురు వ్యక్తులు డీసీఎం వాహనంలో రెండు టన్నులు నకిలీ పత్తి విత్తనాలు తరలిస్తుండగా ఎల్బీనగర్ ఎస్వోటీ పోలీసులు, వ్యవసాయ అధికారులు అరెస్టు చేశారు. వీరి నుంచి రూ.50 లక్షల విలువైన పత్తి విత్తనాలను స్వాధీనం చేసుకున్నారు. బ్రాండెడ్ కంపెనీల పేరుతో ఉన్న కవర్లను వీరు కడపలో తయారు చేస్తున్నారు. వాటిలో నాసిరకం విత్తనాలు వేసి మార్కెట్లో అమ్ముకుంటూ... సొమ్ము చేసుకుంటున్నారు.
-రాచకొండ సీపీ మహేష్ భగవత్
పైన బ్రాండెడ్... లోపల నకిలీ పత్తి విత్తనాలు
నకలీ విత్తనాలు మార్కెట్లో అమ్మినట్లయితే కఠిన చర్యలు తీసుకుంటామని సీపీ మహేశ భవగత్‌ హెచ్చరించారు.
ఇవీ చూడండి: రాజ్యసభ సచివాలయంలో కరోనా కల్లోలం
