శిల్పారామంలో నార్త్​ ఈస్ట్ ఫెస్టివల్

ఈశాన్య రాష్ట్రాలకు చెందిన కళాకారులు నగరంలో సందడి చేస్తున్నారు. శిల్పారామంలో నార్త్​ ఈస్ట్ ఫెస్టివల్ వేడుకలు ప్రారంభమయ్యాయి. ఎనిమిది రాష్ట్రాలకు చెందిన 300 మంది కళాకారులు తమ సంస్కృతి, సంప్రదాయాలను చాటుతూ చేసిన నృత్యాలు కనువిందు చేశాయి.

హైదరాబాద్ శిల్పారామంలో నార్త్ ఈస్ట్ ఫెస్టివల్ వేడుకలు ప్రారంభమయ్యయి. ఎనిమిది రాష్ట్రాలకు చెందిన 300 మంది కళాకారులు తమ సంస్కృతి, సంప్రదాయాలను చాటుతూ చేసిన నృత్యాలు కనువిందు చేశాయి. సౌత్ సెంట్రల్ జోన్ కల్చరల్ సెంటర్ నాగపూర్, శిల్పారామం సంయుక్తంగా ఏర్పాటు చేసిన ఈ కార్యక్రమంను రాష్ట్ర పర్యాటక శాఖ కార్యదర్శి బుర్ర వెంకటేశం ప్రారంభించారు.

ఈ ప్రదర్శన నాలుగు రోజుల పాటు జరుగుతుందని తెలిపారు. మణిపూర్, అస్సాం, మిజోరాం, సిక్కిం, త్రిపుర, నాగాలాండ్, మేఘాలయ, అరుణాచల్ ప్రదేశ్ రాష్ట్రాలకు చెందిన దాదాపు 280 మంది కళాకారులు పాల్గొంటున్నారు. వారు తయారు చేసిన ఉత్పతులు అందుబాటులో ఉంచనున్నారు. ఈ ప్రదర్శనకు వచ్చే సందర్శకులకు ప్రవేశం ఉచితమని బుర్ర వెంకటేశం తెలిపారు.

వేడుకల్లో ప్రారంభోత్సవ నృత్యం అందరినీ ఆకట్టుకుంది. మిజోరాం, అరుణాచల్ రాష్ట్రాలకు చెందిన కళాకారులు కత్తులతో చేసిన జానపద నృత్యం, అస్సాం గిరిజన మహిళల శక్తి సామర్థ్యాలు వివరిస్తూ చేసిన నృత్యం సందర్శకులను అలరించాయి.