"రేపు కాళేశ్వరం ఆరో ప్యాకేజీ నుంచి నీటి విడుదల"

రేపు కాళేశ్వరం ప్రాజెక్ట్​లోని ఆరో ప్యాకేజీ ఎత్తిపోతల్లో మొదటిపంపును ప్రభుత్వ ప్రధాన కార్యదర్శి ఎస్​కే జోషి ప్రారంభించనున్నారు. ఎల్లంపల్లి నుంచి నందిమేడారం పంపుహౌజుకు నీటివిడుదల ప్రక్రియ ఈరోజు సాయంత్రానికి పూర్తి కానుంది.

కాళేశ్వరం ప్రాజెక్ట్​లోని ఆరో ప్యాకేజీ ఎత్తిపోతల్లో మొదటిపంపును రేపు ప్రభుత్వ ప్రధాన కార్యదర్శి ఎస్​కే జోషి ప్రారంభించనున్నారు. ఎల్లంపల్లి నుంచి నందిమేడారం పంపుహౌజుకు నీటి విడుదల ప్రక్రియ ఈరోజు సాయంత్రానికి పూర్తి కానుంది. ప్రయోగాత్మక నీటి విడుదలలో భాగంగా సర్జిపూల్​ను పూర్తిస్థాయి నీటిమట్టానికి నింపుతున్నారు. ఎల్లంపల్లి హెడ్​రెగ్యులేటర్​ నుంచి ఇప్పటికే వెయ్యి క్యూసెక్కుల నీటిని ఇంజినీర్​ ఇన్​ చీఫ్​ ఎన్​. వెంకటేశ్వర్లు నందిమేడారం వైపు కాల్వలోకి విడుదల చేశారు.

రేపు మిడ్​ మానేరువైపునకు విడుదల..
ఈరోజు సాయంత్రానికి ఈనీటితో ఎల్లంపల్లి జలాశయం పూర్తి నీటిసామర్థ్యం142.3 మీటర్ల స్థాయికి సర్జిపూల్​ చేరుకుంటుందని ఇంజినీర్లు అంచనా వేస్తున్నారు. రేపు పంపుహౌజులోని ఏడు పంపుల్లో ఒకపంపు మోటారును ప్రయోగాత్మకంగా నడిపి నీటిని మిడ్​ మానేరువైపునకు విడుదల చేస్తారు. ఆ తర్వాత మిగతా పంపుల వెట్​రాన్​ని కూడా అధికారులు పరీక్షించనున్నారు.

ఇవీ చూడండి: సింగరేణి ఓపెన్​కాస్ట్​ పనులు... తెచ్చాయి కష్టాలు