Husband Killed Wife in Hyderabad Today : హైదరాబాద్లోని నాగోల్ పోలీస్ స్టేషన్ పరిధిలో దారుణం చోటు చేసుకుంది. ఓ వ్యక్తి తన భార్యను కత్తితో పొడిచి చంపాడు. అనంతరం తాను ఆత్మహత్య చేసుకున్నాడు. విషయం తెలుసుకున్న పోలీసులు ఘటనాస్థలికి చేరుకున్నారు. మృతదేహాలను పోస్టుమార్టం నిమిత్తం స్థానిక ప్రభుత్వ ఆస్పత్రికి తరలించారు.
పోలీసులు తెలిపిన వివరాల ప్రకారం.. హైదరాబాద్ నాగోల్ పోలీస్ స్టేషన్ పరిధిలోని సాయినగర్లో రాజు, సంతోషి(35) దంపతులు జీవనం కొనసాగిస్తున్నారు. వీరికి ఒక అమ్మాయి.. అబ్బాయి ఉన్నారు. వీరి స్వస్థలం మహబూబ్ నగర్లోని ఆమనగల్ సమీపంలోని ఆకుతోటపల్లి. దంపతుల ఇద్దరి మధ్య ఏం జరిగిందో ఏమో.. ఇవాళ తన భార్యను రాజు దారుణంగా పొడిచి చంపేశాడు. అనంతరం సరూర్ నగర్ పోలీస్ స్టేషన్ పరిధిలోని తపోవన్ కాలనీలో తన సోదరి ఇంటికి వెళ్లి.. భవనం మూడో అంతస్తు నుంచి దూకి బలవన్మరణం చేసుకున్నాడు.
husband killed his wife: భార్యను ముక్కలుగా నరికి.. నగ్నంగా మార్చేసి..!
Man Killed Wife At Nagole Today : స్థానికుల ద్వారా విషయాన్ని తెలుసుకున్న పోలీసులు ఘటనా స్థలాన్ని పరిశీలించారు. అనంతరం కేసు నమోదు చేసుకుని.. దర్యాప్తు చేస్తున్నారు. ఈ ఘటనకు కుటుంబ కలహాలే కారణమని ప్రాథమిక నిర్ధారణకు వచ్చామని పోలీసులు వెల్లడించారు. రాజు లారీ డ్రైవర్‌గా పనిచేస్తున్నాడని తెలుసుకున్నారు. మరిన్ని విషయాలు విచారణ తరవాత చెబుతామని పోలీసులు తెలిపారు.
బ్యూటీపార్లర్లో భార్యను చంపి.. మెడలో పూలదండలు వేసి..
భార్యపై అనుమానం.. సుత్తితో కొట్టి చంపిన భర్త.. ఆ తర్వాత ఏం జరిగిందటే!!
