కరోనాతో భర్త మృతి చెందడంతో.. భార్య ఆ బాధను జీర్ణించుకోలేకపోయింది. ఐసోలేషన్లో ఉన్న ఆమె.. ఉరి వేసుకుని బలవన్మరణానికి పాల్పడింది. ఈ విషాద ఘటన హైదరాబాద్లోని చింతల్లో చోటుచేసుకుంది.
గణేశ్ నగర్కు చెందిన భార్యాభర్తలు ఆదినారాయణ, కనకదుర్గ.. వారి కుమారుడు నవీన్ పది రోజుల క్రితం కరోనా బారిన పడ్డారు. ఐసోలేషన్లో ఉన్న ముగ్గురిలో ఆదినారాయణ పరిస్థితి విషమించడంతో.. నాలుగు రోజుల క్రితం అతడిని షాపూర్ నగర్లోని ఓ ప్రైవేటు ఆసుపత్రికి తరలించారు. చికిత్స పొందుతూ పరిస్థితి విషమించడంతో ఆదినారయణ ఆదివారం ప్రాణాలు విడిచారు.
సమాచారం అందుకున్న భార్య కనకదుర్గ.. తీవ్ర మనస్తాపానికి గురైంది. ఉరి వేసుకుని ఆత్మహత్యకు పాల్పడింది. గంట వ్యవధిలోనే భార్యాభర్తలిద్దరూ మృతి చెందడంతో స్థానికంగా విషాద ఛాయలు అలుముకున్నాయి.
ఇదీ చదవండి: వాలంటీర్ లక్ష్మి మృతికి వైద్యుల నిర్లక్ష్యమే కారణమా..?
