ఆన్​లైన్​లో పోలింగ్​ స్టేషన్​ ఎలా సెర్చ్​ చేయాలి? పూర్తి వివరాలు మీ కోసం!

How to Search Polling Station in Online: మరో మూడు రోజుల్లో తెలంగాణ అసెంబ్లీ ఎన్నికలు జరగనున్నాయి. మరి మీరు ఓటు వేస్తున్నారా..? ఓటరు జాబితాలో మీ పేరు ఉందో లేదో చూసుకున్నారా..? అసలు మీ పోలింగ్​ స్టేషన్​ ఎక్కడో తెలుసా..? ఇప్పటికీ తెలుసుకోకపోతే వెంటనే అప్రమత్తమవ్వండి. మీ పోలింగ్ స్టేషన్ ఎక్కడో తెలుసుకోండి. ఇదేమీ పెద్ద కష్టం కాదు. మీ దగ్గర ఫోన్ ఉంటే చాలు. ఆన్​లైన్​లో మీ పోలింగ్ స్టేషన్ ఎక్కడో ఈజీగా తెలుసుకోవచ్చు. పూర్తి వివరాలను ఈ స్టోరీలో తెలుసుకుందాం..

How to Search Polling Station in Online: రాష్ట్రంలో మరో మూడు రోజుల్లో ఎన్నికలు జరగనున్నాయి. సుమారు 3 కోట్ల మంది ప్రజలు తమ ఓటు హక్కు వినియోగించుకోనున్నారు. అయితే ఓటు వేసే ప్రతి ఒక్కరికీ తమ పోలింగ్ స్టేషన్‌ గురించిన సమాచారం తెలుసుకుని ఉండటం చాలా ముఖ్యం. చాలా మంది ఓటర్లు లాస్ట్​ మినిట్​లో లిస్టులో తమ పేరు లేదని ఫిర్యాదు చేయటం, ఆ కేంద్రంలో అసలు వారి పేరే లేదని పోలింగ్ అధికారులు చెప్పటం వంటివి చూస్తూనే ఉన్నాం. ఆఖరి నిమిషంలో ఇలా హడావుడి పడకుండా ఉండాలంటే ఓటర్లు ముందే తమ పోలింగ్ స్టేషన్ గురించి ఖచ్చితంగా తెలుసుకుని వెళ్లటం ఉపయోగకరంగా ఉంటుంది. కేవలం ఇంటి వద్ద నుంచే ఆన్​లైన్​లో పోలింగ్​ స్టేషన్​ వివరాలు తెలుసుకోవచ్చు. అది ఎలాగంటే..

మూడు పద్ధతుల ద్వారా పోలింగ్​ స్టేషన్​ వివరాలు తెలుసుకోవచ్చు.

1. Search by Details:

• ముందుగా ఎలక్షన్​ కమిషన్​ ఆఫ్​ ఇండియా అధికారిక వెబ్​సైట్​ను ఓపెన్​ చెయ్యాలి. (ఇక్కడ క్లిక్ చేయండి).
• పేజీ కుడివైపున Services కాలమ్​లో Search in Electoral Roll పై క్లిక్​ చేయాలి.
• కొత్త పేజీ ఓపెన్​ అవుతుంది.
• అందులో మొదటగా Search by Details ఆప్షన్​పై క్లిక్​ చేయాలి.
• అందులో రాష్ట్రం, పేరు, తండ్రి/భర్త పేరు, పుట్టిన తేదీ/వయసు, జెండర్​, జిల్లా పేరు, అసెంబ్లీ నియోజకవర్గం వివరాలు ఎంటర్​ చేయాలి. తర్వాత క్యాప్చా కోడ్​ను ఎంటర్​ చేసి Search ఆప్షన్​పై క్లిక్​ చేస్తే.. మీ పూర్తి వివరాలు, పోలింగ్​ స్టేషన్​ వివరాలు స్క్రీన్​ మీద కనిపిస్తాయి..

2. Search by EPIC:

• ముందుగా ఎలక్షన్​ కమిషన్​ ఆఫ్​ ఇండియా అధికారిక వెబ్​సైట్​ను ఓపెన్​ చెయ్యాలి. (ఇక్కడ క్లిక్ చేయండి).
• పేజీ కుడివైపున Services కాలమ్​లో Search in Electoral Roll పై క్లిక్​ చేయాలి.
• కొత్త పేజీ ఓపెన్​ అవుతుంది.
• తర్వాత Search by EPIC ఆప్షన్​పై క్లిక్​ చేయాలి.
• అనంతరం EPIC నెంబర్​ అంటే మీ ఓటర్​ కార్డు నెంబర్​, రాష్ట్రం ఎంచుకుని క్యాప్చా కోడ్​ ఎంటర్​ చేసి Search ఆప్షన్​పై క్లిక్​ చేయాలి.
• మీ పూర్తి వివరాలు, పోలింగ్​ స్టేషన్​ వివరాలు స్క్రీన్​ మీద కనిపిస్తాయి..

3. Search by Mobile:

• ముందుగా ఎలక్షన్​ కమిషన్​ ఆఫ్​ ఇండియా అధికారిక వెబ్​సైట్​ను ఓపెన్​ చెయ్యాలి. (ఇక్కడ క్లిక్ చేయండి).
• పేజీ కుడివైపున Services కాలమ్​లో Search in Electoral Roll పై క్లిక్​ చేయాలి.
• కొత్త పేజీ ఓపెన్​ అవుతుంది. అందులో Search by Mobile ఆప్షన్​పై క్లిక్​ చేయాలి.
• తర్వాత రాష్ట్రం, మొబైల్​ నెంబర్​ ఎంటర్​ చేసి.. Send OTP ఆప్షన్​పై క్లిక్​ చేయాలి.
• మీ రిజిస్టర్​ మొబైల్​ నెంబర్​కు ఓటీపీ వస్తుంది. దానిని ఎంటర్​ చేసిన తర్వాత క్యాప్చా కోడ్​ ఎంటర్​ చేసి Search ఆప్షన్​పై క్లిక్​ చేయాలి.
• మీ పూర్తి వివరాలు, పోలింగ్​ స్టేషన్​ వివరాలు స్క్రీన్​ మీద కనిపిస్తాయి..