కూలిన భవనం పైకప్పు.. నలుగురు కార్మికులకు తీవ్ర గాయాలు

హైదరాబాద్​ శివారులో మంగళవారం రాత్రి ప్రమాదం చోటుచేసుకుంది. రాయదుర్గం బయోడైవర్సిటీ పార్కు వద్ద ఓ భవనం పైకప్పు కూలగా.. నలుగురు తీవ్ర గాయాలపాలయ్యారు. వారిని ఆస్పత్రికి తరలించి.. చికిత్స అందిస్తున్నారు. ప్రమాదానికి గల కారణాలపై పోలీసులు ఆరా తీస్తున్నారు.

హైదరాబాద్‌ శివారులో మంగళవారం రాత్రి ప్రమాదం చోటుచేసుకుంది. రాయదుర్గం బయోడైవర్సిటీ పార్కు వద్ద ఓ భవనం పైకప్పు కూలింది. ఈ ఘటనలో నలుగురు కార్మికులు తీవ్రంగా గాయపడ్డారు. క్షతగాత్రులను ఆస్పత్రికి తరలించి.. చికిత్స అందిస్తున్నారు. ఆ భవనానికి కాంక్రీట్​ వేస్తుండంగా అకస్మాత్తుగా ఇంటిపైకప్పు కూలింది.

సరైన భద్రతా చర్యలు తీసుకోకపోవడం వల్లే ప్రమాదం జరిగినట్లు సమాచారం. విషయం తెలుసుకున్న అధికారులు సహాయకచర్యలు చేపట్టారు. పోలీసులు కేసు నమోదు చేసుకుని దర్యాప్తు చేస్తున్నారు. అలాగే ఆ భవనానికి అన్ని అనుమతులు ఉన్నాయా లేదా అని జీహెచ్​ఎంసీ అధికారులు ఆరా తీస్తున్నారు.

ఇదీ చదవండి: ఆన్​లైన్​లో అందుకు ఆసక్తి చూపారో... ఇక అంతే సంగతి!